नवी दिल्ली : भारताची सीमा रेषा ओलांडून पाकिस्तानमध्ये गेलेला धुळ्यातील जवान चंदू चव्हाण यांनी वरिष्ठांना पत्र लिहून नोकरी सोडण्याची इच्छा व्यक्त केली आहे. त्यांनी एका इंग्रजी वृत्तपत्राला दिलेल्या मुलाखती सांगितले. चंदू चव्हाण यांच्यावर सध्या मिलिट्री हॉस्पिटलच्या मनोचिकित्सा वॉर्डात उपचार सुरु आहेत.
भारताने पाकिस्तान विरोधात सर्जिकल स्ट्राईक सुरु असताना. जवान चंदू चव्हाण २९ सप्टेंबर २०१६ रोजी चुकून एलओसी पार करुन पाकमध्ये गेले होते. त्यानंतर चार महिने चंदू पाकच्या कैदेत राहिल्यानंतर लष्करांने त्यांची सुटका केली. भारतात आल्यानंतर चंदू चव्हाण यांना न्यायालयीन प्रक्रियेचा सामना करावा लागला, शिवाय वरिष्ठांच्या परवानगीशिवाय शस्त्र घेऊन कॅम्प सोडल्यामुळे त्यांना शिक्षाही सुनावण्यात आली. त्यानंतर त्यांना अहमदनगरच्या लष्कर प्रशिक्षण केंद्रावर पाठवण्यात आले. चंदू यांना जवळपास तीन आठवड्यांपूर्वी मिलिट्री हॉस्पिटलमध्ये पाठवण्यात आले आहे. तिथे त्यांना मनोचिकित्सा वॉर्डात ठेवले, जेणेकरुन त्यांची देखरेख करता येईल.
”मी गेल्या २० दिवसांपासून मिलिट्री हॉस्पिटलच्या मनोचिकित्सा वॉर्डमध्ये आहे. तीन दिवसांपूर्वी वरिष्ठांना पत्र लिहून नोकरी सोडण्याची इच्छा व्यक्त केली आहे. माझ्यासोबत जे झालेय, त्याच्यानंतर माझ्या अडचणी आणखी वाढल्या आहेत. आता सर्वसामान्यांचे जीवन जगण्याची इच्छा आहे,” असे चंदू चव्हाण म्हणाले.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
