HW News Marathi
क्राइम

५४ वर्षे भारतात राहिलेल्या चीनी गुप्तहेराचा मृत्यू

भोपाळ : १९६२ च्या भारत- चीन युद्धादरम्यान, भारतीय सैन्याने पकडलेल्या चीनी सैनिक आणि गुप्तहेराचा ५४ वर्षांनी बुधवारी भारतातच मृत्यू झाला. मायदेशात परत जाण्याची त्याची इच्छा अखेरपर्यंत अपूर्णच राहिली.

दिव शू नाग जूंग या चायनीज सैनिकाला भारतीय लष्कराने पाच दशकापूर्वी हेरगिरीच्या आरोपावरून अटक केली. या ५४ वर्षात ते एकदाही मायदेशी गेले नाहीत. आपल्या मातृभूमीत जाऊन बालपण घालवलेल्या घराला भेट देण्याची त्याची इच्छा होती. जूंग यांचा सहकारी चीनी सैनिक वांग की हा पाच दशकांनी चीनमध्ये पोहचल्यावर त्याचे जंगी स्वागत करण्यात आले होते. त्यामुळे एकदा तरी मायदेशी जाण्याचं जूंग यांनी ठरवलं होतं. पण ते शक्य झालं नाही.

बुधवारी मध्यप्रदेशातील बालाघाट येथील राहत्या घरी मेंदूतील रक्तस्रावाने त्यांचं निधन झालं. वांग की आणि त्याचे कुटुंबीय जूंग यांच्या अंतिम संस्काराला उपस्थित होते. जूंगला भारतातून कायमचे निघून जायचे होते. मला परत चीनला जायचे आहे. पण मला चीन सरकार माघारी पाठवणार तर नाही ना, याची मला चिंता भेडसावतेय, असं जूंग म्हणायचे.

३ जानेवारी १९६३ मध्ये लडाख येथे जूंग यांना अटक झाली होती. तुरुंगातून सोडलेल्या या चीनी सैनिकांना १९६८ मध्ये बालाघाटमधील तिरोडी गावात हलविण्यात आले होते. या ठिकाणीच एका छोट्याशा दुकानात जूंगने त्यांचं आयुष्य घालवलं. दुकानापासून ५०० मीटरवर वांग की राहत होता.

Dear Readers,
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.

Related posts

हदगावमध्ये अवैध दारू जप्त , तिघांना अटक

News Desk

“…कोठ्यावर नाचते”, संजय राऊतांची गंभीर आरोप

Aprna

रिसॉर्टवर छापा, बीभत्स नृत्य करणाऱ्यांसह 15 जणांना अटक

News Desk