HW News Marathi
क्राइम

आर्यनच्या खान ड्रग्स प्रकरणावर २० ऑक्टोबरला होणार जामीनावर निर्णय

मुंबई | २ ऑक्टोबर रोजी कॉर्डेलिया क्रूझ ड्रग पार्टीच्या छाप्यात आर्यन खानला ताब्यात घेण्यात आले. एनसीबीचे म्हणणे आहे की आर्यनचा मित्र अरबाज मर्चंटकडून काही प्रमाणात ड्रग्ज जप्त करण्यात आले आहेत. आर्यन आणि अरबाज एकाच खोलीत राहणार असल्याच्या बातम्या आल्या होत्या. एनसीबीच्या म्हणण्यानुसार, आर्यनने कबूल केले होते की हे दोघेही अरबाजसोबत सापडलेले ड्रग्ज घेणार होते. त्याचबरोबर एनसीबीला आर्यनच्या आंतरराष्ट्रीय ड्रग ट्रॅफिकिंग लिंकशी जोडण्याचे संकेतही मिळाले आहेत.

आजच्या सुनावणीच्या अनेक तासांनंतरही आर्यन खानला जामीन मिळाला नाही

ड्रग्ज प्रकरणात आर्यन खानच्या जामिनावर आज सत्र न्यायालयात सुनावणी झाली आहे. १३ ऑक्टोबर रोजी आर्यनच्या वकिलाने एनसीबीच्या प्रश्नांना आपली उत्तरे दिली. यानंतर, एनसीबीच्या वतीने, एएसजी अनिल सिंह यांनी आर्यनचे वकील अमित देसाई यांचा सामना केला आणि त्यांना आता जामीन का मिळू नये, असा युक्तिवाद केला होता. आजच्या सुनावणीत अनिल सिंह यांनी आपले उरलेले मुद्दे मांडले आहेत. दरम्यान, आजच्या सुनावणीच्या अनेक तासांनंतरही आर्यन खानला जामीन मिळाला नाही. आता या प्रकरणाचा निकाल २० ऑक्टोबर रोजी जाहीर केला जाईल. त्यामुळे आर्यन खानला तोपर्यंत तुरुंगात राहावे लागणार आहे.

सध्याचा अर्जदार (आर्यन) प्रथमच ग्राहक नाही. कोर्टापुढे ठेवलेले रेकॉर्ड आणि पुरावे दर्शवतात की तो गेल्या काही वर्षांपासून प्रतिबंधित पदार्थांचा नियमित ग्राहक आहे. अर्जदारासोबत आलेल्या अरबाज मर्चंटच्या ताब्यातून प्रतिबंधित साहित्य सापडले आहे. हे निवेदन आणि पंचनामा मध्ये स्पष्टपणे नोंदवले गेले आहे की ते दोन्ही बंदी घातलेले पदार्थ वापरणार होते . अर्जदाराने स्वाक्षरी केलेल्या पंचनाम्यातील हा रेकॉर्ड स्पष्टपणे सिद्ध करतो की त्याच्याकडे बंदी घातलेला पदार्थ होता. कारण त्याने कबूल केले होते की प्रतिबंधित पदार्थ या दोघांसाठी त्याच्या मित्राकडे होता. एनसीबीतर्फे हजर असणाऱ्या एएसजी अनिल सिंग यांनी न्यायालयाला सांगितले की, अर्जदारासोबत काहीही सापडले नाही हा युक्तिवाद योग्य असू शकत नाही.

Dear Readers,
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.

Related posts

गिरीश चौधरी यांचा जामीन अर्ज फेटाळला!

News Desk

मंत्री पदाच्या लेटर हेडवर अशोक चव्हाणांच्या नावाने बनावट पत्रे

Aprna

भावाने बहिणीसह तिच्या प्रियकराची केली हत्त्या

News Desk