HW News Marathi
क्राइम

५६ दुकानांचे शटर तोडून घरफोडी करणाऱ्या मुख्य चोरट्याला बोरिवली पोलिसांनी केले अटक 

मुंबई | मुंबई बोरीवली (Borivali) पोलीस ठाण्याच्या तपास पथकाने आतापर्यंत ५६ हून अधिक दुकानांमध्ये चोरी करणाऱ्या मुख्य चोराला अटक केली आहे. यापूर्वी 35 वेळा हा चोर तुरुंगात गेला असून या बदमाश चोराने स्टॅटिक्स सायन्समधून एमएससी केले आहे. मात्र, मुंबई आणि गुजरातमध्ये त्याने आतापर्यंत शेकडो दुकानांमध्ये चोऱ्या केल्या आहेत.

दरम्यान, चोर दर गुरुवारी रात्री 5 ते 6 दुकानात चोरी करण्यासाठी अहमदाबादहून मुंबईत यायचा आणि यानंतर खासगी वाहन पकडून अहमदाबादला परतायचा. बोरिवली पोलिसांनी त्याच्याकडून कटर, रॉड, पाईप, स्क्रू ड्रायव्हर, कातवनी जप्त केली आहे. बोरिवलीतील दुकानांमध्ये चोरीचे पाच गुन्हे दाखल आहेत, तर उत्तर मुंबईतील डझनाहून अधिक दुकानांमध्ये चोरीचे गुन्हे दाखल आहेत. अथक परिश्रमानंतर आरोपीला अटक करण्यात आली आहे. अतिशय हुशार असलेल्या या चोरट्याने कार आणि मोबाईलही चोरला आहे.

दारसल बोरिवलीचे वरिष्ठ पीआय निनाद सावंत यांनी दिलेल्या माहितीनुसार, आरोपी अजित अर्जुन पिल्लई (३६) हा गुजरातचा रहिवासी आहे. त्याने एमएससी स्टॅटिक्समध्ये पदव्युत्तर पदवी संपादन केली आहे. वडील शिक्षक आहेत तर मुलगा मास्टर चोर आहे. आरोपी अजितने आतापर्यंत मुंबई, अहमदाबाद, वडोदरा, दोदरा, खेडा, गांधी नगर आदी भागात ५६ हून अधिक दुकानांमध्ये चोरी केली आहे. ज्यामध्ये त्याला गुजरातमध्ये आतापर्यंत 35 वेळा अटक करण्यात आली आहे.

बोरिवली क्राईम पीआयने दिलेल्या माहितीनुसार, हा मास्टर चोर अहमदाबादहून मुंबईला आल्यानंतर मोबाईल फ्लाइट मोड करायचा. त्यामुळे त्याच्या ठिकाणाची माहिती पोलिसांना मिळू शकली नाही. बोरिवलीच्या दुकानात 25 डिसेंबर 2021 रोजी कपड्याच्या दुकानात चोरी झाली होती, ज्यामध्ये तो कपडे आणि रोख रक्कम घेऊन पळून गेला होता. त्याच रात्री आरोपींनी कांदिवली, मालाड, गोरेगाव येथील सुमारे 6 दुकानांमध्ये चोरी केली होती. घटनेनंतर तो ऑटोरिक्षा पकडून मुंबईहून घोडबंदर गाठायचा आणि खासगी वाहन पकडून गुजरातला पळून जायचा.

बोरिवलीचे तपास अधिकारी एपीआय इंद्रजित पाटील आणि त्यांच्या पथकाला तपासात समोर आले की, मुंबईत आल्यानंतर आरोपी अजित दर गुरुवारी चोरी करायचा, मात्र चोरी करण्यापूर्वी तो तोंडाला मास्क आणि टोपी घालून ओळख लपवायचा.
त्याच्याकडून दुकानांचे शटर ब्रेकर जप्त करण्यात आले आहे.

Dear Readers,
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.

Related posts

सर्वोच्च न्यायालयानं योगी सरकारला फटकारलं- “खास आरोपीला फायदा व्हावा म्हणून..”

News Desk

शिवरायां’नी शोधून दिले स्त्रीलंपट आरोपी

News Desk

महिलेचा मुदडा पाडून लुटले २४ तोळे सोने

News Desk