HW News Marathi
राजकारण

चिमुकल्या विद्यार्थ्यांची सामाजिक दिवाळी

मुंबई | आपल्याकडे अनेक आदिवासी भागांत आजही दिवाळी साजरी होत नाही हे लक्षात घेऊन कल्याण येथील प्राथमिक विद्यामंदिर कर्णिक रोड शाळेतील शिक्षकांनी आपल्या विद्यार्थ्यांना सोबत घेऊन एक स्तुत्य उपक्रम राबविला आहे. या विद्यार्थ्यांनी विविध आकाराचे कंदील आणि आकर्षक पणत्या रंगविल्या आहेत. टिटवाळा येथील दहिवली या आदिवासी पाड्यावर विद्यार्थ्यांनी तयार केलेल्या या सर्व साहित्याचे वाटप आले आहे. विशेष बाब म्हणजे या विद्यार्थ्यांनी काही दिवसांपासून आपापल्यापरीने घरातून धान्य गोळा करून आणले होते. विद्यार्थ्यांनी गोळा केलेले तांदुळ, गहू, डाळ देखील त्यांनी या पाड्यावर वाटले.

“गेल्या चार वर्षांपासून आमची शाळा दिवाळीनिमित्त असा उपक्रम करत आहे. यापुढे देखील असे सामाजिक उपक्रम सातत्याने राबवण्याचा आमचा प्रयत्न राहील”, असे प्राथमिक विद्यामंदिर कर्णिक रोड शाळेच्या मुख्याध्यापिका भारती वेदपाठक यांनी सांगितले. या उपक्रमास शाळेतील अनेक माजी विद्यार्थी आणि पालकांनी देखील मोठी मदत केली. ‘टीम परिवर्तन’च्या मदतीने आदिवासी पाड्यावर गेल्या काही काळापासून सातत्याने विविध मोहीम राबविण्याचे प्रयत्न सुरु आहेत.

Dear Readers,
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.

Related posts

एसटी कर्मचा-यांचे तडकाफडकी निलंबन

News Desk

मी बाबरी मशीद पाडण्यासाठी गेले होते | साध्वी प्रज्ञा सिंह ठाकूर

News Desk

संजय राऊतांच्या ED कोठडीत 10 ऑक्टोबरपर्यंत वाढ

Aprna