– कोपरखैरणे इथं घडला प्रकार
नवी मुंबई – दुचाकीमध्ये पेट्रोल भरतांना पेट्रोल पंपावरील कर्मचारी घोटाळा करत असल्याचा धक्कादायक प्रकार समोर येतोय. याप्रकरणी पोलिसांकडे तक्रार दाखल करण्यात आली आहे.
कोपरखैरणे इथल्या डी मार्ट शॉपिंग सेंटर जवळील युनिव्हर्सल पेट्रोल पंप इथं हा प्रकार घडला आहे. यासंदर्भात पीडित दुचाकीस्वाराने सोशल मीडियामध्ये स्वतःचा व्हिडिओ व्हायरल केला आहे. संबंधित दुचाकीस्वारानं या पंपावर दुचाकीमध्ये टाकीभरेपर्यंत पेट्रोल टाकण्यास सांगितले. या दुचाकीमध्ये आधीचे अर्धा लिटर पेट्रोल होते. त्यानंतर पुन्हा 165 रूपयांचे पेट्रोल टाकण्यात आले. त्यानंतर दुचाकीस्वाराला संशय आल्याने त्याने दुचाकीमध्ये भरलेलं पेट्रोल एका बाटलीत काढलं तेव्हा त्याला धक्काच बसला. बाटलीत फक्त अर्धा लिटरच पेट्रोल निघाले. याबाबत त्याने पंपावरील कर्मचा-यांकडे विचारणा केली असता त्याला प्रकरण न वाढवता पुढच्या मशीनवर टाकीभरून मोफत पेट्रोल भरून देण्याच आश्वासन देण्यात आलं. मात्र या दुचाकीस्वारानं थेट पोलीस ठाण्यात तक्रार दिल्यानंतर पोलिसांनी पंपावरील कर्मचा-याला चौकशीसाठी ताब्यात घेतले आहे , अशी माहिती संबंधित दुचाकीस्वारानं प्रसारित केलेल्या व्हिडिओत दिली आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
