HW News Marathi
महाराष्ट्र

१५ ऑगस्टपासून मराठा समाजाचे ‘अन्नत्याग’ आंदोलन

मुंबई | मराठा समाजाने आरक्षणाच्या मागणीसाठी १५ ऑगस्टपासून ‘अन्नत्याग आंदोलन’ करणार करण्याचा इशारा राज्य सरकारला दिला आहे. यापुढे मराठा समजा रस्त्यावर आंदोलन न करण्याची मोठी घोषणा मराठा क्रांती समितीने केली.९ ऑगस्ट क्रांती दिनानिमित्ताने मराठा समाजाने महाराष्ट्र बंदची हाक दिली होती. परंतु या बंदला हिंसक वळण लागले. त्या पार्श्वभूमीवर मराठा क्रांती समितीने औरंगाबादमध्ये पत्रकार परिषद बोलवली होती.

मराठा समाज आणि आंदोलनाला बदना करण्याचा कट असल्याचा गंभीर आरोप मराठा क्रांती मोर्चा समितीने यावेळी केला. तसेच मराठा तरुणांवर जे गुन्हे दाखल केले आहेत. ते सर्व गुन्हे १५ ऑगस्टपर्यंत सरकारने मागे घ्यावे, असा इशारा देखील समितीने यावेळी दिला आहे.

वळूज एमआयडीसीतील ज्या कंपन्यांची तोडफोड झाली आहे. त्या कंपन्यांचे सीसीटीव्ही फुटेज पोलिसांनी चेक करावे, आंदोलनात तोंड बांधून तोडफोड करण्यात आली. याआधी मराठा आंदोलकांनी तोडफोड केली नाही, मग आताच का असे झाले? तसेच या तोडफोडीची सीआयडी चौकशी करावी, अशी मागणी मराठा क्रांती मोर्चाचे समन्वयक विनोद पाटील यांनी केली.

महाराष्ट्र बंदला हिंसक वळण

मराठा आंदोलकांनी निवेदन दिल्यानंतर जिल्हाधिकारी कार्यालयाची तोडफोड केली. पुण्यातील चांदणी चौकातही जमाव हिंसक झाला. जमावाला पांगवण्यासाठी पोलिसांनी सौम्य लाठीमार सुरू केला. चांदणी चौकातील परिस्थिती चिघळल्यानंतर पोलिसांनी अश्रूधुराचा वापर केला. औरंगाबादमध्ये ही आंदोलकांनी २ खासगी वाहने पेटवली. पोलिसांनी आंदोलकांवर नियंत्रण मिळवण्यासाठी आश्रूधुराचा वापर करून जमावाला पांगविण्याचा प्रयत्न केला.

 

Dear Readers,
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.

Related posts

माझ्या ताफ्याला कोणी अडवणार हे इंटेलिजन्सला कळाले, पण पवारांच्या घरावरील हल्ल्याची कल्पना नव्हती?, राज ठाकरेंचा सवाल

Aprna

सिंधुदुर्गात ‘येड्यांची जत्रा’!

News Desk

विवाह सोहळ्यातील जेवणातून शेकडो जणांना विषबाधा, सर्वांची प्रकृती स्थिर

News Desk