जिल्ह्याच्या बाहेरही बस सेवा होणार सुरू, राज्य सरकारचा निर्णय!

मुंबई | गणेशोत्सव काही दिवसांवर येऊन ठेपला आहे. या पार्श्वभूमीवर राज्य सरकारने मोठा निर्णय घेतला आहे. राज्य सरकारकडून मिशन बिगेन अगेन अंतर्गत एक परिपत्रक जारी करण्यात आले आहे. या पत्रानुसार राज्यातील बससेवा सुरु करण्यास परवानगी देण्यात आली आहे. यामुळे जिल्ह्यांतर्गत धावणारी बस आता जिल्ह्याच्या बाहेरही धावण्याचा मार्ग मोकळा झाला आहे. पण इतर खासगी वाहनांना प्रवासासाठी ई-पास बंधनकारक असणार आहे. या निर्णयामुळे राज्यातील नागरिकांना मोठा दिलासा मिळाला आहे.

तिकिट दरांमध्ये काहीही बदल होणार नाहीत. एसटी सेवा सुरु होणार असल्याने एका जिल्ह्यात अडकलेल्या कामगारांना, लोकांना जिल्हा बदलून प्रवास करता येणार आहे. ई पास सोबत असणे आवश्यक असणार आहे. तसेच, बस प्रवास करताना सोशल डिस्टन्सिंग अनिवार्य असेल असे परिवहन मंत्री अनिल परब यांनी जाहीर केले आहे.