HW News Marathi
महाराष्ट्र

जिल्ह्याच्या सर्वांगीण विकासासाठी सर्वांनी एकत्रित प्रयत्न करणे गरजेचे ! – दादाजी भुसे

पालघर । जिल्ह्यातील शासकीय कार्यालयाला जागा उपलब्ध करून देण्यासाठी शासनस्तरावर पाठपुरावा करण्यात आला यामुळे जिल्ह्यातील काही कार्यालयांना जागाही उपलब्ध झाल्या आहेत. जिल्ह्यातील लोकप्रतिनिधी, शासकीय अधिकारी यांनी एकत्रित येऊन काम केल्यास जिल्ह्याचा सर्वांगीण विकास साधला जाईल असा विश्वास कृषी, माजी सैनिक कल्याण मंत्री तथा पालघर जिल्ह्याचे पालकमंत्री दादाजी भुसे यांनी व्यक्त केला.

जिल्हा नियोजन समितीची ऑनलाईन बैठक आयोजित करण्यात आली होती त्यावेळी पालकमंत्री दादाजी भुसे बोलत होते.

यावेळी केंद्रीय राज्यमंत्री कपिल पाटील, जिल्हा परिषदेच्या अध्यक्षा वैदेही वाढाण, सर्वश्री आमदार सुनील भुसारा, श्रीनिवास वनगा राजेश पाटील, जिल्हाधिकारी डॉ. माणिक गुरसळ, जिल्हा परिषदेचे मुख्य कार्यकारी अधिकारी सिद्धाराम सालीमठ आदी उपस्थित होते.

विक्रमगड येथील दोन हेक्टर शासकीय जमीन जलसंपदा विभागाला उपलब्ध करून देण्यात आली आहे तसेच तलासरी येथील नगरपंचायती साठी सुद्धा शासकीय जागा उपलब्ध करून देण्यात आली आहे

त्याचप्रमाणे वाडा तालुक्यातील शासकीय कार्यालयासाठी जागेची उपलब्धता लवकरच करण्यात येईल असेही पालकमंत्री दादाजी भुसे यांनी सांगितले.

खरीप हंगामा मध्ये शेतकरी बांधवांना बियाणाची कमतरता जाणवणार नाही यासाठी कृषी विभागाने आत्तापासूनच बियाणांची उपलब्धता करून ठेवावी अशी सूचना पालकमंत्री दादाजी भुसे यांनी कृषी विभागाला दिली.

माहीम-केळवे धरणाच्या पार्श्वभूमीवर जिल्ह्यातील सर्व जलाशयाची सुरक्षितता अबाधित ठेवण्यासाठी दुरुस्तीची कामे हाती घेण्यात येणार आहेत या सर्व कामांना जिल्हा नियोजन समितीमधून निधी पुरविला जाणार असल्याचे पालकमंत्री दादाजी भुसे यांनी सांगितले. 

Dear Readers,
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.

Related posts

अर्नाळामध्ये सापडला टाईम बॉम्ब

swarit

परमबीर सिंग यांच्या याचिकेवर उच्च न्यायालयात सुनावणी होण्याची शक्यता

News Desk

मुख्यमंत्री उद्धव ठाकरेंच्या नेतृत्वाखालीच सध्या काम करणार हाच फॉर्म्युला!

News Desk