HW News Marathi
Covid-19

“उद्धव ठाकरेंना भूमिपूजनाचे निमंत्रण, मात्र जाणे टाळावे”, राष्ट्रवादीचा सल्ला

मुंबई | अयोध्या राम मंदिराच्या भूमिपूजनाच्या मुद्द्यावरून सध्या देशासह राज्यातील राजकीय वातावरण ढवळून निघत आहे. एकीकडे राष्ट्रवादीचे अध्यक्ष शरद पवार यांनी कोरोनाच्या पार्श्वभूमीवर या भूमिपूजन सोहळ्याबाबत नाराजी व्यक्त केली आहे. तर दुसरीकडे अयोध्या राम मंदिर हा शिवसेनेच्या जिव्हाळाच्या विषय असल्याने शिवसेनेची भूमिका काय असणार ? हा प्रश्न आहे. यातच आता राष्ट्रवादीकडून मुख्यमंत्री उद्धव ठाकरेंना चक्क एक सल्ला देण्यात आला आहे. “मुख्यमंत्री उद्धव ठाकरेंना अयोध्या राम मंदिर भूमिपूजनाचे निमंत्रण आहे. मात्र, त्यांनी या सोहळ्याला जाणे टाळावे”, असा थेट सल्ला आता राष्ट्रवादीचे माजी खासदार माजिद मेमन यांनी दिला आहे.

“उद्धव ठाकरे यांना अयोध्या राम मंदिराच्या भूमिपूजनासाठी निमंत्रण पाठविण्यात आले आहे. त्यामुळे, ते वैयक्तिकरित्या या भूमिपूजन सोहळ्याला उपस्थित राहू शकतात. देशात कोरोनाच्या पार्श्वभूमीवर लागू असलेल्या सर्व निर्बंधांचे पालन करून उद्धव ठाकरे पूर्णपणे आपल्या वैयक्तिक क्षमतेत या सोहळ्याला हजेरी लावू शकतात. मात्र, एका धर्मनिरपेक्ष लोकशाहीचे प्रमुख या नात्याने त्यांनी कोणत्याही विशिष्ट धार्मिक कार्यक्रमाला चालना देणे टाळावे”, असे माजिद मेमन यांनी आपल्या ट्विटमध्ये म्हटले आहे. दरम्यान, राष्ट्रवादीच्या या सल्ल्याने मुख्यमंत्री उद्धव ठाकरे नेमका काय निर्णय घेतात ? हे पाहणे महत्त्वाचे आहे.

Dear Readers,
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.

Related posts

मंत्री धनंजय मुंडेंना दुसऱ्यांदा झाली कोरोनाची लागण

News Desk

राहुल गांधींचे विधान जबाबदारीपासून पळणारे | देवेंद्र फडणवीस

News Desk

राज्यातील कोरोना बाधित रुग्णांची संख्या ९ हजार ३१८ वर पोहोचली

News Desk