HW News Marathi
महाराष्ट्र

राजकीय नेत्यांनी दिल्या गुढीपाडव्याच्या शुभेच्छा, घरी राहूनच गुढीपाडवा साजरा करण्याचे आवाहन

मुंबई | एकीकडे कोरोनाने संपूर्ण जगाला वेठीस धरले आहे. सध्या देशात कोरोनाबाधितांचा आकडा ५७० असून महाराष्ट्राचा आकडा ११२ झाला आहे. परंतु, आज (२५ मार्च) गुढीवाडव्याच्या दिवशी राज्यातील लोकांना एक आनंदाची बातमीही मिळाली आहे. पुण्यात ज्या पहिल्या दाम्पत्याला कोरोनाची लागण झाली होती त्या दोघांची दुसरी कोरोना चाचणी निगटिव्ह आली असून त्यांना आज डिस्चार्ज देण्यात येणार आहे. तसेच, या पाडव्याच्या दिवशी अनेक राजकीय नेत्यांनी ट्विटरवरुन नागरिकांना शुभेच्छा दिल्या आहेत.

राष्ट्रवादी कॉंग्रेसचे अध्यक्ष शरद पवार यांनी कोरोना संकटावर मात करण्यासाठी गुढीपाडव्यानिमित्त या नववर्षाला ‘कोरोनामुक्त भारताचा’ संकल्प करू या ! अशा शुभेच्छा दिल्या आहेत.

खासदार सुप्रिया सुळे यांनीही हा सण घरातच थांबून कुटुंबीयांसोबत आनंदाने साजरा करा.घरात असा, सुरक्षित राहण्याचे आवाहन लोकांना केले आहे.

उपमुख्यमंत्री अजित पवार यांनी स्त्यावर उतरू नये, गर्दी टाळा ! ‘कोरोना’विरोधात जनजागृती करण्याची, ‘कोरोना’ला हरवण्याच्या संकल्पाची गुढी उभारा, असे आवाहन त्यांनी केले.

आज हिंदु नववर्षाचा प्रारंभ होत असून घरोघरी आरोग्याची, सुरक्षिततेची गुढी उभारावी. स्वंयशिस्त व सहकार्यातून संकटावर मात करून हे संकट हद्दपार करण्याचा संकल्प या निमित्ताने करण्याचे आवाहन मुख्यमंत्री उद्धव ठाकरे यांनी केले.

कोणीही रस्त्यावर उतरू नका. सामूहिक आयोजन, भेटीगाठी करू नका. घरी राहूनच हा लढा यशस्वी करण्याच्या संकल्पाची गुढी सर्वजण उभारूयात असे आवाहन सामाजिक न्यायमंत्री धनंजय मुंडे यांनी केले.

गृहमंत्री अनिल देशमुख यांनीही नागरिकांना शुभेच्छा दिल्या.

मनसे अध्यक्ष राज ठाकरे यांनीही गुढीपाडव्याच्या सर्व नागरिकांना ह्या गुढीपाडव्याच्या निमित्ताने ह्या संकटाच्या छायेची तीव्रता कमी कमी होत सर्वत्र पुन्हा एकदा आरोग्याचं, भरभराटीचं वातावरण येवो अशा शुभेच्छा दिल्या.

Dear Readers,
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.

Related posts

माजी सहकारमंत्री विलासकाका उंडाळकर यांना अन्न, नागरी पुरवठा ग्राहक संरक्षण मंत्री छगन भुजबळ यांची श्रद्धांजली

News Desk

राज ठाकरे, राणेंना पक्षातून का बाहेर जाव लागल? CM पदावरून उद्धव ठाकरेंना फडणवीसांचा सवाल

News Desk

“मेणबत्ती मोर्चे आणि ट्विटर ट्रेंड नको, आता…”, मनसे साकीनाका प्रकरणावर संतापली

News Desk