मुंबई | राज्यभरात सोमवारपासून दूध उत्पादकांना अनुदान देण्याच्या मागणीवरून शेतकरी संघटनेचे अध्यक्ष राजू शेट्टी यांनी सर्वच दूध उत्पादक क्षेत्राची कोंडी केली आहे. स्वाभिमानी शेतकरी संघटनेच्या दूध आंदोलनाचे पडसाद संपूर्ण महाराष्ट्रात पाहायला मिळत आहेत.
आज दुसऱ्या दिवशीही हे आंदोलन सुरूच आहे. ‘कालपासून मुंबईत दुधाचा एकही टँकर येऊ दिला नाही’, असे स्वाभिमानी शेतकरी संघटनेचे अध्यक्ष राजू शेट्टी यांनी सांगितले आहे. तर आज गुजरातमधून महाराष्ट्रात दुधाचे टँकर येऊ नये म्हणून स्वाभिमानी शेतकरी संघटनेने पालघरमध्ये आंदोलन केले आहे.
या आंदोलनात कार्यकर्त्यांसोबत स्वत: खासदार राजू शेट्टी देखील सहभागी झाले. आज गुजरातहून मुंबईत येणारा पहिला दुधाचा टँकर त्यांनी परत पाठवला आहे. गोकुळ संघाचा हा दुधाचा टँकर होता. त्यामुळे हे आंदोलन असेच सुरू राहिल्यास उद्या मुंबईमध्ये दूध पुरवठा पूर्णपणे ठप्प होणार आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
