अहमदनगर | राष्ट्रवादी काँग्रेसच्यावतीने काल (२५ जुलै) विधानसभा निवडणुकीच्या पार्श्वभूमीवर इच्छुक उमेदवारांच्या मुलाखती घेण्यात आल्या. इच्छुक उमेदवारांत कर्जत-जामखेड विधानसभा मतदारसंघातून रोहित पवार यांनी मुलाखत दिली. मुलाखतीनंतर पत्रकारांशी संवाद साधताना रोहित म्हणाले की, “पक्ष का सोडून जातात, हा प्रत्येकाचा व्यक्तीचा वैयक्तिक कारण आहे. आणि काही तरी वैयक्तिक अडचण असल्याशिवाय ते असा निर्णय घेणार नाहीत. काहीजण इतर पक्षात गेले तरी राष्ट्रवादीला काही फरक पडणार नाही.”
तसेच रोहित पुढे असे देखील म्हणाले की, “”भाजप-शिवसेना खुनशी राजकारण करीत आहे. ते समाजासाठी चुकीचे आहे. लोकांचे विषय घेऊन राजकारण केले पाहिजे. सर्वसामान्यांचे प्रश्न घेऊन राजकारण व्हावे, नेत्यांच्या भांडणात मुलभूत प्रश्न मागे राहतील, हे त्यांनी लक्षात घेतले पाहिजे,” असे म्हणाले. दुसऱ्या पक्षातील नेते फोडून स्वतःच्या पक्षात आयात करून त्यांना उमेदवारी देण्याची वेळ भाजप व शिवसेनेवरआली आहे. भाजप आणि शिवसेनेकडे स्वत:चे लायक उमेदवार नाहीत का, असा प्रश्न पवार यांनी उपस्थित केला आहे .
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
