लॉकडाऊन काळात कोविडसंदर्भात राज्यात आतापर्यंत ६३ हजार गुन्हे दाखल, पोलीस विभागाची माहिती

मुंबई | राज्यात सर्वत्र सुरु असलेल्या लॉकडाऊनच्या काळात २२ मार्च ते २१ एप्रिल या कालावधीत राज्यात कलम १८८ नुसार ६२ हजार ९८७ गुन्हे दाखल झाले आहेत तर १३ हजार ८६९ व्यक्तींना अटक करण्यात आली असून ४४ हजार १३५ वाहने जप्त करण्यात आली आहेत, अशी माहिती पोलीस विभागाच्या वतीने प्रसिद्धीपत्रकामार्फत देण्यात आली आहे.

#Lockdown च्या काळात राज्यात कलम १८८ नुसार ६२ हजार ९८७ गुन्हे दाखल, १३ हजार ८६९ व्यक्तींना अटक, तर ४४ हजार १३५ वाहने जप्त. अवैध वाहतूक करणाऱ्या १०६७ वाहनांवर गुन्हे, परदेशी नागरिकांकडून व्हिसा उल्लंघनाच्या १५ गुन्ह्यांची नोंद- पोलीस विभागाची माहिती pic.twitter.com/4GjZWzkh6H

— MAHARASHTRA DGIPR (@MahaDGIPR) April 22, 2020

उपरोक्त कालावधीत राज्यभरात पोलीस विभागाच्या १०० नंबर वर ७४ हजार ६१६ फोन आले, त्या सर्वांची योग्य ती दखल घेण्यात आली. राज्यभरात पोलिसांनी ज्यांच्या हातावर ‘क्वारंटाईन’ असा शिक्का आहे, अशा ५९५ व्यक्तींना शोधून त्यांना विलगीकरण कक्षात पाठवले. या काळात अवैध वाहतूक करणाऱ्या १०६७ वाहनांवर गुन्हे दाखल करण्यात आले. परदेशी नागरिकांकडून व्हिसा उल्लंघनचे १५ गुन्हे राज्यभरात नोंदवले आहेत. या कालावधीत झालेल्या विविध गुन्ह्यांसाठी २ कोटी ४१ लाख (२ कोटी ४१ लाख) रुपयांचा दंड आकारण्यात आला आहे.

#coronavirus चा प्रादुर्भाव रोखण्यासाठी सर्वत्र युद्धपातळीवर प्रयत्न. पोलीस अधिकारी-कर्मचारी देखील २४ तास कार्यरत. या संकटाशी मुकाबला करताना दुर्दैवाने १२ पोलीस अधिकारी, ५२ पोलीस कर्मचारी #कोरोना पॉझिटिव्ह आढळले, त्यांच्यावर उपचार सुरू.

— MAHARASHTRA DGIPR (@MahaDGIPR) April 22, 2020

१२ अधिकारी व ५२ पोलिसांना बाधा

कोरोना विषाणूचा प्रादुर्भाव रोखण्यासाठी सर्वत्र युद्धपातळीवर प्रयत्न सुरू आहेत. पोलीस अधिकारी कर्मचारीदेखील २४ तास कार्यरत आहेत. या संकटाशी मुकाबला करताना दुर्दैवाने १२ पोलीस अधिकारी व ५२ पोलीस कर्मचारी हे कोरोना पॉझिटिव्ह आढळले असून त्यांच्यावर उपचार सुरू आहेत. या कालावधीत पोलिसांवर हल्ला होण्याच्या १३४ घटनांची नोंद झाली असून यात ४७७ आरोपींना अटक करण्यात आली आहे.