मुंबई | वातानुकूलित लोकलने प्रवास करणा-या प्रवाशांसाठी लवकरच ३ आणि ६ महिन्याचे पास देण्यात येणार असल्याची माहिती रेल्वे प्रशासनाकडून प्राप्त झाली आहे. वातानुकूलित लोकलसाठी सध्या एक महिन्याचा पास काढण्याची सोय आहे. परंतु गेल्या काही दिवसांत वातानुकूलीत लोकलच्या प्रवाशांची संख्या वाढल्यामुळे ३ व ६ महिन्यांचा पास सुरु करण्यात यावा असा प्रस्ताव पश्चिम विभागीय रेल्वेकडून मुख्यालयाकडे पाठविण्यात आला आहे.
सध्या वातानुकूलित रेल्वेतून चर्चगेट ते विरार या एकेरी प्रवासासाठी २०५ रुपये तिकीटदर आहे. एका महिन्याच्या पाससाठी २,०४० रुपये प्रवाशांना मोजावे लागत आहेत. हि लोकल सेवेत आल्यापासून आतापर्यंत १७ हजारपेक्षा जास्त प्रवाशांनी एका महिन्याचा पास,तर ८२ हजारपेक्षा जास्त प्रवाशांनी तिकीट काढल्याची माहिती मिळाली आहे. पासाला दिलेल्या पसंतीमुळे पश्चिम रेल्वेने ३ आणि ६ महिन्यांचा पासही प्रवाशांच्या सेवेत आणण्याचा निर्णय घेतला आहे. सध्या हा प्रस्ताव रेल्वे बोर्डाकडे अंतिम मंजुरीसाठी पाठविण्यात येईल, अशी माहिती देण्यात रेल्वे प्रशासनाकडून प्राप्त झाली आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
