HW News Marathi
मुंबई

नालासोपारा बॉम्ब प्रकरणी एटीएसने १२ जणांना ताब्यात घेतले

मुंबई | नालासोपारा देशी बॉम्ब प्रकरणी पुण्यातील आणखी दोन जणांना ताब्यात घेण्यात आले आहे. आतापर्यंत १२ जणांना ताब्यात घेतले असून त्यांची चौकशी सुरू आहे. राज्यातील विविध जिल्ह्यामध्ये एटीएसची मोठी धरपकड सुरू आहे.

नालासोपाऱ्यातून वैभव राऊत याला महाराष्ट्र दहशतवादीविरोधी पथकाने अटक केल्यानंतर, आणखी दोघांवर अटकेची कारवाई करण्यात आली आहे. शरद काळसकर आणि गोंधळेकर अशा आणखी दोघांना वसईतून अटक करण्यात आली. वैभव राऊत याच्या घरातून मोठ्या प्रमाणात स्फोटकं जप्त करण्यात आली आहेत. घातपात कटप्रकरणी मुंबई, पुणे, सातारा, सोलापूर, नालासोपारामध्ये कारवाई सुरू आहे.

नालासोपाऱ्यातील भांडारआळी परिसरात सनातन संस्थेचा वैभव राऊत याच्या घरावर आणि दुकानावर एटीएसच्या पथकाने गुरुवारी रात्री उशिरा छापा घातला. वैभव राऊत याच्या घरातून आठ देशी बॉम्ब हस्तगत केले. सरकारी वकीलांकडून न्यायालयात याप्रकरणी मोठा गौप्यस्फोट करण्यात आला असून आरोपींकडून ८ नाही तर २० बॉम्ब जप्त करण्यात आल्याची माहिती वकीलांनी दिली आहे. तसेच ५० बॉम्ब बनू शकतील इतके साहित्यही जप्त करण्यात आले असल्याची माहिती समोर आली आहे.

घटनास्थळी सापडलेली स्फोटकं साधने –

२ जिलेटिन स्टिक्स

४ इलेक्ट्रॉनिक डिटोनेटर्स

२२ नॉन इलेक्ट्रोनिक डिटोनेटर्स

सुरक्षा फ्यूज वायरर्स

व्हाईट पाउडर स्टिक, वृत्तपत्रामध्ये गुंढळलेली

२ पॉईंजन बॉटल सारख, प्रत्येकी १ लिटर

एका बॉक्समध्ये ६ व्होल्ट्सच्या १० बॅटरी

कटर आणि ब्लेड

सोल्ड्रिंग मशीन आणि उपकरणे

३ स्विचेस

३ विशिष्ट सर्किट (१ पूर्ण आणि २ अपूर्ण)

बॅटरी कनेक्टर

२ बॅटरी कंटेनर

४ रिले स्विच

८ रजिस्टर्स

६ ट्रांजिस्टर्स वायरचे काही भाग

हात मोजे

स्टिकिंग साहित्य

वायरिंगचे आलेख

Dear Readers,
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.

Related posts

2014 पर्यंतच्या अनधिकृत झोपड्या अधिकृत करा!

News Desk

शेतकरी मोर्चावरून विरोधक आक्रमक, सरकारवर कडक टीका

News Desk

केईएमसह नायर रुग्णालयातील निवासी डॉक्टरांसाठी दोन वसतिगृह तयार! – देवेंद्र फडणवीस

Aprna