HW News Marathi
मुंबई

विसर्जन मिरवणुकी दरम्यान एकाचा मृत्यू

मुंबई | दादर चौपाटीजवळ काल (गुरुवार) रात्री १. ३० वाजताच्या सुमारास देवी विसर्जनासाठी आलेल्या दोन मंडळांच्या कार्यकर्त्यांत जोरदार भांडण झाले होते. भांडण इतके विकोपाला गेले की या भांडणाचे रूपांतर मारहाणीत झाले आणि या दोन्ही मंडळाचे कार्यकर्ते एकमेकांत भिडले. या मारहाणीत एका तरुणाचा उपचारादरम्यान केईएम रुग्णालयात मृत्यू झाला आहे. शिवाजी पार्क पोलीस ठाण्यात याबाबत गुन्हा दाखल करण्यात आला असून दोन आरोपींना अटक करण्यात आली आहे.

काल अनेक सार्वजनिक मंडळांच्या देवीचा विसर्जन सोहळा पार पडला. मात्र, या सोहळ्याला दादर परिसरात गालबोट लागले आहे. मानखुर्द येथील जय भवानी महिला उत्सव मंडळ आणि धारावी येथील जय अंबे मित्र मंडळाच्या विसर्जन मिरवणूक दादर चौपाटीवर येत असताना या दोन मंडळांच्या कार्यकर्त्यांमध्ये वाद निर्माण झाला आणि या वादात जय भवानी महिला उत्सव मंडळाचा कार्यकर्ता जगदीश नंदू कदम याला जय अंबे मित्र मंडळाच्या अविनाश अशोक नलावडे (वय १९) आणि स्टेलिन यशवंत पुजारी (वय १९) यांनी बेदम मारहाण केली आहे.

ही घटना काल रात्री १.३० वाजताच्या सुमारास सी ५ लेन येथे घडली आहे. त्यानंतर घटनास्थळी शिवाजी पार्क पोलिसांचे पथक पोहचले आणि गंभीर जखमी झालेल्या जगदीशला केईएम रुग्णालयात दाखल केले आहे. त्यावेळी शिवाजी पार्क पोलीस ठाण्यात अविनाश आणि स्टेलिनला भा. दं. वि. कलम ३०७ अन्वये जीवे मारण्याचा प्रयत्न केल्याने अटक करण्यात आली आहे. मात्र उपचारादरम्यान आज सकाळी जगदीशचा मृत्यू झाल्याने या दोघांवर कलम ३०२ अन्वये खुनाचा गुन्हा दाखल करण्यात आला आहे.

Dear Readers,
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.

Related posts

मुंबई उपनगरीय लोकल गाड्यांची क्षमता २५ टक्क्यांनी वाढणार

News Desk

मध्य रेल्वेची वाहतूक विस्कळीत

swarit

पुण्यात पुन्हा दुचाकी जळीतकांड

News Desk