HW News Marathi
मुंबई

मुंबईत डेंग्यूचे पाच तर लेप्टोचा एक बळी, आरोग्य खात्याचा अहवाल

मुंबई । पाऊसत साथींच्या आजाराचे प्रमाण वाढे परंतु आता पाऊस नसतानाही साथीच्या आजारांनी डोकेवर काढले आहे. ऑक्टोबर हीटमुळे मुंबईकरांचा ताप वाढला असल्याची माहिती पालिकेच्या सार्वजनिक आरोग्य खात्याच्या अहवालानुसार, सप्टेंबरमध्ये शहर-उपनगरात डेंग्यूचे पाच बळी गेले असून लेप्टोचा एक बळी गेला आहे. गतवर्षी सप्टेंबरमध्ये लेप्टो आणि डेंग्यूमुळे तब्बल १२ बळी गेले होते. तसेच मुंबईत यंदाच्या वर्षी पहिला स्वाइन फ्लूचा रुग्ण आढळल्याची नोंदही या अहवालात आहे. सध्या या रुग्णावर उपचार सुरू आहेत. सप्टेंबर महिन्यात ४ हजार ३६५ डेंग्यूसदृश्य रुग्ण आढळले असून त्यांच्यावर पालिकेच्या विविध रुग्णालयांत, दवाखान्यांत उपचार सुरू आहेत.

डेंग्यूमुळे झालेल्या मृत्यूत

कांदिवली पूर्व आकुर्ली मार्ग येथील १३ वर्षीय मुलाचा समावेश आहे. या मुलाला सलग ४ ते ५ दिवस ताप, उलट्यांचा त्रास होत होता. त्यानंतर त्याला २६ सप्टेंबर रोजी खासगी रुग्णालयात त्याला दाखल करण्यात आले. तिथून पालिका रुग्णालयात हलविण्यात आले. अतिदक्षता विभागात त्याच्यावर उपचार सुरू असताना २८ तारखेला त्याचा मृत्यू झाला. तसेच एक आठवडा लंडनला प्रवास करून आलेल्या ४२ वर्षीय वाळकेश्वर येथील महिलेचाही डेंग्यूने मृत्यू झाल्याची नोंद आहे. २० सप्टेंबर रोजी महिलेला ताप, अंगदुखी, मळमळ या कारणांमुळे खासगी रुग्णालयात अतिदक्षता विभागात दाखल करण्यात आले होते. यानंतर २८ सप्टेंबर रोजी त्या महिलेचा मृत्यू झाला.

पालिकेची मोहिम

पालिकेद्वारे घेण्यात आलेल्या विशेष मोहिमेत २ हजार ६७ घरांतील ६ लाख ५० हजार ११७ लोकसंख्येची तपासणी करण्यात आली आहे. मोहिमेत डासांची तब्बल ४ हजार ७९३ उत्पत्तीस्थळे आढळली असून त्यांवर कीटकनाशक फवारणी केली आहे. तसेच २२ हजार ४७३ डासांची उत्पत्तीस्थळे नष्ट करण्यात आली आहेत.

Dear Readers,
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.

Related posts

मुंबईचे पाहुणे, फ्लेमिंगो पक्ष्यांची शिकार

News Desk

Mumbai Dongri Building Collapsed : मनपा चालवणारे निर्लज्जम् सदा सुखी आहेत !

News Desk

अतिवृष्टीत बाधित झालेल्या मुंबई-ठाणेकरांना मिळणार नुकसान भरपाई

News Desk