मुंबई | कुर्ला रेल्वे स्थानकात धावत्या एक्सप्रेस समोर उडी मारुन एका तरुणाने आत्महत्या केल्याची घटना शुक्रवारी दुपारी अडीच वाजण्याच्या सुमारास घडली. वेगाने आलेल्या एक्सप्रेस मेल समोर कुर्ला रेल्वे स्थानकात तरुणाने उडी मारली. अंगाचा थरकाप उडवणारी ही घटना रेल्वे स्थानकातील सीसीटीव्हीत कैद झाली आहे.
कुर्ल्याच्या प्लॅटफॉर्म क्रमांक ५ वर प्रवासी लोकलची वाट पाहत होते. त्यावेळी एक्सप्रेस रेल्वे जाताना काही प्रवासी प्लॅटफॉर्मवरच मागे सरकले. त्याचवेळी एक्सप्रेस रेल्वे येण्याच्या काही क्षणापूर्वी एक तरुण रुळावर उडी मारतो. त्यानंतर वेगाने जाणारी रेल्वे त्याच्या अंगावरून जाते. हे अंगाचा थरकाप उडविणारे दृश्य सीसीटीव्ही कॅमेरात कैद झाले आहे.
तरुणाने अचानक उडी मारल्याने त्याचे प्राण कोणीही वाचवू शकले नाही. या प्रकाराने उपस्थित असलेल्या प्रवाशांना धक्का बसला. आरपीएफ जवानांनी मृताची ओळख पटविण्याचा प्रयत्न केला. पण त्याची ओळख अद्याप पटली नाही. त्याचा मृतदेह सायन रुग्णालयात पाठविण्यात आला आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
