फ्लोरिडा-फ्लोरिडामध्ये नुकतेच आलेल्या इरमा वादळ्याने या परिरसराची भौगोलिक ओळख पुसून टाकली आहे. परिसरातील नव्वद टक्के घरे उध्वस्त झाली आहेत. सुरक्षित स्थळी हलवण्यात आलेले नागरिक आपल्या घराकडे परतु लागले आहेत. परंतु घरं भूईसपाट झाल्याचे पाहून अनेकांना आश्रु आले. परिसरातील सर्व घरे अक्षरशः पत्त्याच्या बंगल्यासारखे कोसळले आहेत. एकही घर शिल्लक नाही. जे शिल्लक आहेत. त्यांचे प्रचंड नुकसान झाले आहे. त्यामुळे घरी परतुन राहायचे कुठे असा प्रश्न रहिवाशांना पडला आहे. मालमत्तेसोबत घरातील अनेक मौल्यवान वस्तुंचे मोठे नुकसान झाले आहे. कार, वाहने यांचेही नुकसान झाले आहे. एकूणच या वादळाने सर्वस्व उध्वस्त केल्याची भावना येथील नागरिकांनी व्यक्त केली आहे.
वादळ शमले असले तरी त्याच्या कटू आठवणीतून बाहेर येण्यासाठी कित्येक वर्ष द्यावी लागणार आहेत. सध्या घरांची दुरूस्ती करून निवारा निर्माण करण्यावर येथील नागरिक भर देत आहेत. दरम्यान, घरी परतलेल्या नागरिकांना कडक उन्हाचा सामना करावा लागत आहे. वादळात वीजेचे खांब उन्मळून पडल्याने वीजपुरवठा तीन दिवसांपासून बंद आहे. तो पूर्ववत होत नसल्याने नागरिकांनी गर्मीने हाल सुरू आहेत.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
