Site icon HW News Marathi

न्यायमूर्ती चंद्रचूड देशाचे 50 वे सरन्यायाधीश पदी विराजमान

नवी दिल्ली | देशाचे 50 वे सरन्यायाधीश (Chief Justice of India) म्हणून न्यायमूर्ती धनंजय यशवंत चंद्रचूड (Justice DY Chandrachud) यांना राष्ट्रपती द्रौपदी मुर्मू यांनी शपथ दिली. न्यायमूर्ती चंद्रचूड यांचा शपथविधी आज (9 नोव्हेंबर) सकाळी 10 वाजता राष्ट्रपती भवनात पार पडला. मराठमोळे न्यायमूर्ती चंद्रचूड हे देशाच्या सर्वोच्च पदी विराजमान झाले आहेत. न्यायमूर्ती चंद्रचूड हे पुढील दोन वर्ष म्हणजे 10 नोव्हेंबर 2024 पर्यंत सरन्यायाधीशपदी राहणार आहेत.  न्यायमूर्ती चंद्रचूड यांचे पिता न्या. वाय. व्ही. चंद्रचूड सर्वाधिक काळ सरन्यायाधीश राहलेले होते.

 

दरम्यान, सध्याचे सरन्यायाधीश यू. यू. लळित हे मंगळवारी (८ नोव्हेंबर) निवृत्त झाले आहेत. माजी सरन्यायाधीश यू. यू. लळित यांनी त्यांचा उत्तराधिकारी म्हणून न्यायमूर्ती चंद्रचूड यांनी शिफारस केली होती. गेली अनेक वर्षे रखडलेला अयोध्या जमीन विवाद, शबरीमाला आणि समलैंगिकता यासारख्या मोठ्या खटल्यांमध्ये ते न्यायाधीश राहिले आहेत.

 

डी. वाय. चंद्रचूड यांचा अल्प परिचय
न्यायमूर्ती धनंजय यशवंत चंद्रचूड यांचा जन्म ११ नोव्हेंबर १९५९ रोजी झाला. न्यायमूर्ती चंद्रचूड यांनी हार्वर्ड विद्यापीठातून कायद्याच्या दोन पदव्या प्राप्त केल्यानंतर ते वयाच्या ३९ वर्षी वरिष्ठ वकील म्हणून त्यांची नियुक्ती करण्यात आली. यानंतर १९९८ मध्ये ते भारताचे सॉलिसिटर जनरल म्हणून नियुक्ती देण्यात आले. तसेच वकील करत असतात न्यायमूर्ती चंद्रचूड यांनी ओक्लाहोमा विद्यापीठातून ‘आंतरराष्ट्रीय कायदा’ विषय शिकवले. २०१३ मध्ये अलाहाबाद उच्च न्यायालयाचे मुख्य न्यायाधीश म्हणून नियुक्ती करण्यात आली होती. यानंतर न्यायमूर्ती चंद्रचूड यांची तीन वर्षांत सर्वोच्च न्यायालयात नियुक्ती करण्यात आली. न्यायमूर्ती चंद्रचूड यांचे वडील वाय. व्ही चंद्रचूड हे देखील देशाचे सरन्यायाधीश राहिले असून त्यांचे वडील हे सर्वाधिक काळ राहणारे सरन्यायाधीश होते.
संबंधित बातम्या

न्यायमूर्ती डीवाय चंद्रचूड यांची भारताचे सरन्यायाधीश म्हणून नियुक्ती; ९ नोव्हेंबरला घेणार शपथ

 

Exit mobile version