मुंबई | गेल्या अनेक दिवसांपासून म्हणजेच ऑक्टोबरपासून सातत्याने इंधनाच्या किंमतींमधील कपात सुरु होती. मात्र, आता ५ राज्यांच्या विधानसभा निवडणुकांचे निकाल जाहीर झाल्यानंतर दुसऱ्याच दिवशी पेट्रोलच्या किंमतींमध्ये पुन्हा वाढ झाली आहे. पेट्रोलच्या किमतींमध्ये आज ९ पैशांपासून ३० पैशांपर्यंत वाढ झाली आहे. दरम्यान, डिझेलच्या किंमतींमध्ये मात्र अद्याप कोणतीही वाढ झालेली नाही. पेट्रोल डिझेलवर एक्साईज ड्युटी वाढल्याने ही वाढ झाल्याची माहिती मिळत आहे.
मुंबईत आज पेट्रोलची किंमत प्रतिलिटर ७५.९१ रुपये तर डिझेल ६७.६६ रुपये प्रति लिटर झाले आहे. राजधानी दिल्लीत पेट्रोलची प्रतिलिटर किंमत ७०.२९ रुपये तर डिझेलची प्रतिलिटर किंमत ६४.६६ रुपये एवढी झाली आहे. याआधी देखील इंधनाच्या दरांमध्ये सातत्याने वाढ होत होती. आंतरराष्ट्रीय बाजारात होणारी भारतीय चलनाची घसरण आणि कच्च्या तेलाच्या किंमतींमध्ये होणारी वाढ या कारणांमुळे ही वाढ होत होती. त्यानंतर आज तब्बल २ महिन्यांनी पुन्हा पेट्रोलच्या किंमतींमध्ये वाढ झाली आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
