HW News Marathi
देश / विदेश

वायएसआर काँग्रेसचे अध्यक्ष जगनमोहन रेड्डी यांच्यावर चाकू हल्ला

हैदराबाद | ‘सेल्फी काढायचा आहे’ असे कारण सांगून एका हल्लेखोराने वायएसआर काँग्रेसचे अध्यक्ष जगनमोहन रेड्डी यांच्यावर चाकूने हल्ला केल्याची धक्कादायक घटना घडली आहे. विशाखापट्टणम विमानतळावर जगनमोहन रेड्डी यांच्यावर हा चाकू हल्ला झाला असून या हल्ल्यात रेड्डी यांच्या हाताला जखम झाली आहे. दरम्यान, रेड्डी यांच्या सुरक्षा रक्षकांनी या हल्लेखोराला ताब्यात घेतले आहे.

वायएसआर काँग्रेसचे अध्यक्ष जगनमोहन रेड्डी विशाखापट्टणमहून हैदराबादला जात होते. विशाखापट्टणम विमानतळावर असताना एका हल्लेखोराने सेल्फी काढण्याचे कारण सांगून जगनमोहन रेड्डी यांच्यावर चाकूने हल्ला केला आहे. श्रीनिवास असे या हल्लेखोराचे नाव असून तो विमानतळावरीलच एका हॉटेलमध्ये काम करतो अशी माहिती मिळते.

‘जगनमोहन रेड्डींवरील हा हल्ला अत्यंत धक्कादायक आहे. मी सीआयएसएफश सर्व एजन्सींनी पूर्णपणे या प्रकरणाची तपासणी करण्यास सांगितले आहे. या हल्ल्याचा मी निषेध व्यक्त करतो. आम्ही दोषींना शिक्षा देऊ’, नागरी उड्डाण मंत्री सुनील प्रभु यांनी म्हटले आहे.

Dear Readers,
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.

Related posts

पाकिस्तानकडून दिल्ली ते लाहोर बससेवा देखील स्थगित

News Desk

‘खाल्लेही, मित्रांना खाऊ घातलेही. फक्त जनतेला खाऊ देत नाहीत ‘, राहुल गांधींची सरकारवर टीका

News Desk

Live Update | भारताच्या ७० व्या प्रजासत्ताक दिनासाठी राजपथ सज्ज

News Desk