HW News Marathi
राजकारण

अयोध्या राम मंदिराच्या सुनावणीची तारीख जानेवारीतच निश्चित होणार !

नवी दिल्ली । अयोध्या प्रकरणाची सुनावणी लवकरात लवकर करण्यात यावी, अशी मागणी करणारी याचिका सर्वोच्च न्यायालयाने फेटाळली आहे. अयोध्या प्रकरणाची सुनावणी तातडीने होणे गरजेचे आहे, असे महासभेच्या वकिलांनी न्यायालयाला सांगितले होते. मात्र त्यांची मागणी न्यायालयाने अमान्य केली आहे. राम जन्मभूमी आणि बाबरी मशीद वादाची सुनावणीची तारीख जानेवारीतच निश्चित करण्यात येईल, असे सर्वोच्च न्यायालयाने म्हटले होते .

यानंतर या प्रकरणाची सुनावणी लवकर घेण्यात यावी, यासाठी याचिका दाखल करण्यात आली होती. परंतू ही याचिका सर्वोच्च न्यायालयाने आज फेटाळून लावली आहे.अयोध्या प्रकरणाची सुनावणी लवकरात लवकर व्हावी, अशी मागणी करणारी याचिका अखिल भारत हिंदू महासभेने दाखल केली होती. या प्रकरणात आपण आधीच आदेश दिलेले आहेत, असे म्हणत न्यायालयाने महासभेची याचिका फेटाळून लावली.

याचिका फेटाळून लावल्यानंतर, हिंदू महासभेचे राष्ट्रीय अध्यक्ष स्वामी चक्रवर्णी यांनी न्यायालयाच्या निर्णयाला दुर्दैवी असे म्हटले आहे, त्यांनी मोदी सरकारला एक इशारा दिला आहे. आणि सांगितले की, “सरकारने लगेचच राम मंदिरवर संसदेत अध्यादेश काढले नाही तर, २०१९च्या लोकसभा निवडणुकीत त्यांचा विरोध होईल”.

 

Dear Readers,
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.

Related posts

मनसेचा महाआघाडीत समावेश होणार ?

Gauri Tilekar

पश्चिम बंगालमध्ये भाजपला विजयी रॅली काढू देणार नाही !

News Desk

उद्धव ठाकरेंचे आजच्या भाषणातील महत्वाचे मुद्दे

News Desk