मुंबई | अखेर मराठा आरक्षणाचा एटीआर आज विधीमंडळात मांडण्यात येणार आहे. मराठा आरक्षणा संदर्भात विधानभवनात मंत्रिमंडळ उपसमितीच्या बैठकीला सुरुवात झाली आहे. आजची ही बैठक ही मराठा समाजाच्या आरक्षणाच्या दृष्टीने अत्यंत महत्त्वाची बैठक ठरणार आहे. या बैठकीनंतर मराठा आरक्षणाचा एटीआर सभागृहात मांडण्यात येणार आहे. दरम्यान, भाजपने संपूर्ण राज्यात आणि विधानभवनात मराठा आरक्षणासाठीच्या जल्लोष साजरा करण्याची तयारी केली आहे.
मराठा आरक्षणाचे विधेयक सभागृहात मंजूर झाल्यानंतर लगेच भाजपचे आमदार भगवे फेटे परिधान करुन छत्रपती शिवाजी महाराजांच्या पुतळ्याला अभिवादन करणार असून विधानभवनाच्या परिसरातही मिठाई वाटून जल्लोष फेरी काढण्यात येणार आहे, अशी माहिती मिळत आहे. भाजपची ही तयारी पाहता मराठा समाजाच्या आरक्षणाचे संपूर्ण श्रेय लाटण्याच्या तयारीत आहे. त्यामुळे आता आरक्षणाआधीच भाजपकडून वातावरण निर्मितीचे प्रयत्न सुरु झाल्याचे चित्र दिसत आहे. दरम्यान, मराठा आरक्षणासंदर्भात विधीमंडळात आज नेमके काय होणार याकडे संपूर्ण राज्याचे लक्ष लागून राहिले आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
