HW News Marathi
राजकारण

मुख्यमंत्र्यांवर आचारसंहिता भंगाचा गुन्हा दाखल करण्याची काँग्रेसची मागणी

पालघर | दिवंगत खासदार चिंतामण वनगा यांच्या निधनानंतर होणाऱ्या पालघर येथील पोटनिवडणुकीचा प्रचार आता अंतिम टप्प्यात आला असून, शिवसेना विरुद्ध भाजपा असा सामना रंगलाय असताना आता काँग्रेसने देखील भाजपाला कोंडीत पकडण्याचे प्रयत्न सुरू केले आहेत. काँग्रेस प्रवक्ते सचिन सावंत यांनी थेट मुख्यमंत्री देवेंद्र फडणवीस यांच्यावर आचार संहिता भंग केल्याचा गुन्हा दाखल करण्याची मागणी केली आहे.

आज (बुधवारी) सचिन सावंत यांच्या नेतृत्वाखाली काँग्रेसचे शिष्टमंडळ पालघर जिल्हाधिका-यांना भेटले आणि त्यांनी मुख्यमंत्र्यांविरोधात आचारसंहिता भंगाची तक्रार दाखल केली. रविवारी २० मे रोजी मुख्यमंत्र्यांच्या पालघर पोटनिवडणुकीच्या पार्श्वभूमीवर दोन जाहीर सभा झाल्या. यावेळी भाषणा दरम्यान मुख्यमंत्र्यांनी काही घोषणा जाहीर केल्या असून, हा आचार संहितेचा भंग असल्याचा आरोप करत काँग्रेस प्रवक्ते सचिन सावंत यांनी त्या विरोधात आज तक्रार दाखल केली आहे.

  • काय म्हणालेत सचिन सावंत

२० मे रोजी रविवारी मुख्यमंत्र्यांच्या नालासोपारा आणि कासा येथे दोन जाहीर सभा झाल्या. या सभेमध्ये वसई विरार महापालिका हद्दीतून २१ गावांचा हरित पट्टा वगळू, पालघर जिल्ह्याला मेडिकल कॉलेज डोके जाईल, तसेच जुन्या काळातील सर्व खावटी कर्ज माफ करून नवीन कर्ज दिले जाईल अशी मुख्यमंत्र्यांनी घोषणा केली. हा आचार संहितेचा भंग असून, याबाबत निवडणूक अधिकाऱ्यांकडून तत्काळ गुन्हा दाखल होणे अपेक्षित होते. मात्र अजून गुन्हा दाखल होत नसल्याने आम्ही आज जिल्हाधिकाऱ्यांना मुख्यमंत्र्यावर गुन्हा दाखल करावा यासाठी पत्र दिले असल्याचे सचिन सावंत म्हणाले.

Dear Readers,
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.

Related posts

#MarathaReservation : काँग्रेस-राष्ट्रवादीने आरक्षणाचा मुद्दा चुकीच्या पध्दतीने हातळला !

News Desk

सीमाप्रश्नाचा ठराव एकमताने मंजूर केल्याबद्दल महाराष्ट्र एकिकरण समितीने मानले अजित पवारांचे आभार

Aprna

धनंजय… या खड्ड्यांचा सेल्फी काढून तूच त्या चंद्रकांतदादा पाटलांना पाठव रे बाबा

swarit