HW News Marathi
राजकारण

काँग्रेसला शरद पवारांसारखा मोठा वकिल लाभला आहे !

मुंबई | “काँग्रेसला शरद पवारांसारखा मोठा वकिल लाभला आहे. शरद पवारांना देखील काँग्रेसची वकिली करण्याव्यतिरिक्त दुसरा उरलेला नाही”, अशी खोचक टीका राज्याचे मुख्यमंत्री देवेंद्र फडणवीस यांनी राष्ट्रवादी काँग्रेसचे अध्यक्ष शरद पवार यांच्यावर केली आहे. शरद पवार यांनी ऑगस्टा वेस्टलँड हेलिकॅप्टर खरेदी गैरव्यवहार प्रकरणी काँग्रेसची बाजू घेतली होती. या पार्श्वभूमीवर मुख्यमंत्री फडणवीस बोलत होते.

“ऑगस्टा वेस्टलँड घोटाळ्याबाबत काँग्रेसकडून उत्तर मिळणे अपेक्षित आहे. या आधीपर्यंत मोठ्या तावातावाने बोलणारे आता गप्प का ?”, असा सवाल मुख्यमंत्र्यांनी उपस्थित केला. यावेळी ऑगस्टा वेस्टलँड घोटाळ्याबाबत काँग्रेसची बाजू घेतल्याने मुख्यमंत्र्यांनी शरद पवार यांच्यावर निशाणा साधला आहे. “शरद पवार हे काँग्रेसचे वकील आहेत. त्यांच्याकडे काँग्रेसची वकिली करण्याव्यतिरिक्त कोणताही पर्याय उरलेला नाही”, असे मुख्यमंत्र्यांनी यावेळी म्हटले.

काय होते शरद पवारांचे वक्तव्य ?

शरद पवार यांनी ऑगस्टा वेस्टलँड प्रकरणी काँग्रेसची बाजू घेत भाजपवर निशाणा साधला होता. ऑगस्टा वेस्टलँड घोटाळ्यात सोनिया गांधींचे नाव घेणे हा विरोधकांना संपविण्याचा कट असल्याचा आरोप शरद पवार यांनी सरकारवर केला होता. त्याचप्रमाणे, “देशात अनेक पंतप्रधान झाले मात्र त्यांनी विरोधकांना अडचणीत आणण्याकरिता कधीही सत्तेचा गैरवापर झाला नाही. मात्र विद्यमान सरकारकडून मात्र विरोधकांना अडचणीत आणण्याकरिता सत्तेचाच वापर करण्यात आला”, असा आरोप देखील शरद पवार यांनी केला होता.

Dear Readers,
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.

Related posts

मी शिवसेना सोडली कारण….!

News Desk

मायावतींसह अखिलेश यांची शपथविधी सोहळ्याकडे पाठ

News Desk

प्रियांका चतुर्वेदी आज शिवसेनेत प्रवेश करणार

News Desk