मुंबई | काँग्रेसने तीन राज्याच्या विधानसभा निवडणुकीत विजयी पदाका फडकविली आहे. या विजयामुळे देशभारात काँग्रेसच्या कार्यकर्त्यांमध्ये उत्साहाचे वातावरण निर्माण झाले आहे. काँग्रेसच्या जल्लोषात जळगावच्या पारोळा येथील काँग्रेसचे माजी तालुकाध्यक्ष सुरेश ठाकरे (७२) यांच्या हृदयविकाराने मृत्यू झाल्याची घटना बुधवारी घडली.
काँग्रेसचे तालुकाध्यक्ष पिरन अनुष्ठान यांनी मंगळवारी(११ डिसेंबर) ज्येष्ठ कार्यकर्ते सुरेश ठाकरे यांना फोन करून विजयोत्सव साजरा करण्यासाठी पारोळा येथे या असा निरोप दिला. काँग्रेसला तीन राज्यात यश मिळाल्याचे मोबाईल फोनवरून ऐकताच आंनदाच्या भरात ठाकरे यांना हृदयविकाराचा झटका आला. ठाकरे हृदयविकाराचा झटका आल्याचे कळताच त्यांना तत्काळ पारोळा येथील रुग्णालयात दाखल केले. ठाकरे यांना पुढील उपचारासाठी धुळ्याला हलवले. ठाकरे यांच्यावर धुळ्यात उपचार दरम्यान त्यांचा मृत्यू झाला.
ठाकरे हे सुरुवातीपासून काँग्रेसचे कार्यकर्ते होते. तालुका सरचिटणीस आणि तालुकाध्यक्ष म्हणूनही त्यांनी काम पाहिले होते. त्यांच्या पश्चात एक मुलगा, नातू आणि मुलगी असा परिवार आहे. ठाकरे यांच्यावर बुधवारी(१३ डिसेंबर) सायकांळी अत्यसंस्कार करण्यात आले. त्यांच्या मृत्यूने पारोळा परिसरात शोककळा पसरली आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
