मुंबई | देशाच्या राष्ट्रपती पदासाठी 18 जुलै रोजी मतदान पार पडले होते. या 15 वे राष्ट्रपती पदासाठी (21 जुलै) सकाळी 11 वाजल्यापासून मतमोजणी होणार आहे. ही मतमोजणी संसद भवनात होणार आहे. एनडीएकडून राष्ट्रपतीपदाच्या उमेदवार द्रौपदी मुर्मू यांचा विजय हा निश्चित मानला जात आहे. मुर्मूंच्या विजयाने पहिली आदिवासी महिला राष्ट्रपती पदी विराजमान होणार आहे. राष्ट्रपतीच्या निवडणुकीत यूपीएच्या वतीने माजी केंद्रीय अर्थमंत्री यशवंत सिन्हा हे देखील रिंगणात आहेत. पंरतु, मुर्मू यांच्या विजयावर शिक्कामोर्तब होणे शिल्लक असल्याचे बोलले जाते.
देशाला 15 वर्षापूर्वी आजच्या दिवशी पहिली महिला राष्ट्रपती मिळाली होती. देशाला 21 जुलै 2007 रोजी प्रतिभा पाटील या पहिल्या महिला राष्ट्रपती मिळाल्या होत्या. प्रतिभा पाटील यांनी 25 जुलै 2007 महिला राष्ट्रपती म्हणून शपथ घेतली होती. प्रतिभा पाटील या 12 व्या राष्ट्रपती होत्या. प्रतिभा पाटील यांचा 2007 ते 2012 या कालावधीत देशाच्या राष्ट्रपती पदी विराजमान होत्या.