HW News Marathi
राजकारण

फुंडकरांच्या जाण्याने राजकीय वर्तुळात शोककळा

मुंबई | राज्याचे कृषीमंत्री आणि भाजपचे ज्येष्ठ नेते पाडुरंग फुंडकर यांचे निधन झाले. मृत्यू समयी ते ६७ वर्षांचे होते. ह्रदयविकाराच्या झटक्याने त्यांचे गुरुवारी निधन झाले आहे. पहाटे सुमारे ४.३५ च्या दरम्यान फुंडकर यांची प्राण ज्योत मालवली. त्यांनी सोमय्या रुग्णालयात अखेरचा श्वास घेतला.गेल्या काही दिवसांपासून फुंडकर हे आजारी होते, ते लवकर बरे होतील असे सर्वांना वाटत असताना त्यांच्या निधनाची आलेली बातमी सर्वांसाठी धक्कादायक ठरली.

राजकीय वर्तुळात शोककळा

भाजप प्रदेशाध्यक्ष रावसाहेब दानवे यांनी ट्विटरच्या माध्यमातून फुंडकरांना श्रद्धांजली वाहीली आहे. भाऊसाहेब फुंडकर यांच्या निधनामुळे धक्का बसला. मी त्यांना भावपूर्ण श्रद्धांजली अर्पण करतो. मा. पांडुरंग फुंडकर शेतकरी नेते होते. भाजपा प्रदेशाध्यक्ष म्हणून त्यांनी ‘शत प्रतिशत भाजपा’ ही घोषणा केली होती.ही घोषणा प्रत्यक्षात आली असताना त्यांचे निधन होणे ही अत्यंत दुःखदायक घटना आहे.

भाऊसाहेब फुंडकर यांच्या जाण्याने मी एक ज्येष्ठ सहकाऱ्याला आणि मार्गदर्शकाला मुकलो आहे अशी प्रतिक्रीया महाराष्ट्राचे मुख्यमंत्री देवेंद्र फडणवीस यांनी व्यक्त केली आहे.

कृषिविषयक आणि सहकारक्षेत्रातील प्रश्नांची खरी जाण असणाऱ्या नेत्याला महाराष्ट्र मुकल्याची भावना सांस्कृतिक मंत्री विनोद तावडेंनी व्यक्त केली.

कृषीमंत्री पांडुरंग फुंडकर यांच्या निधनामुळे कृषी, सहकार व ग्रामीण भागातील प्रश्नांची जाण असणारे नेतृत्व काळाच्या पडद्याआड गेल्याचे कॉंग्रेस प्रदेशाध्यक्ष खासदार अशोक चव्हाण यांनी आपल्या ट्विटमध्ये म्हटले आहे.

महाराष्ट्रातील राजकारण, सामाजिक आणि कृषी क्षेत्रातील एक उत्तुंग व्यक्तिमत्व काळाच्या पडद्याआड गेलं आहे.भाजप राज्यात उभी करण्यात फुंडकर यांचे मोठे योगदान असलयाचे चंद्रकांत पाटील म्हणालेत.

 

 

Dear Readers,
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.

Related posts

 “भाजपच्या ऑपरेशन लोटसला घाबरत नाही”, हिमाचल प्रदेशमध्ये काँग्रेसचा दावा

Aprna

मनसे कार्यकर्ते राज ठाकरे यांच्या समर्थनार्थ ईडीच्या कार्यालयाबाहेर थांबणार

News Desk

Lok Sabha Elections 2019 LIVE UPDATE : देशभरात दुसऱ्या टप्प्यातील मतदानाला सुरुवात

News Desk