HW News Marathi
राजकारण

भाजपच्या पहिल्या यादीत नाव नसूनही खडसेंकडून उमेदवारी अर्ज दाखल

मुंबई | भाजपच्या पहिल्या यादीत एकनाथ खडसेंच्या नावाचा समावेश नसल्याने खडसेंचा पत्ता कापला गेल्याची चर्चा आहे. पहिल्या यादीत जळगाव शहरातून विद्यमान आमदार सुरेश भोळे, भुसावळमधून विद्यमान आमदार संजय सावकारे, जामनेर जलसंपदा मंत्री गिरीश महाजन, अमळनेर शिरीष चौधरी, रावेर हरिभाऊ जावळे तर चाळीसगावमधून मंगेश चव्हाण यांना उमेदवारी जाहीर झाली आहे. जळगावमधून भाजप सेनेत युतीचा ६-५ असा फॉर्म्युला ठरल्याचे बोलले जात आहे. असे असेल तर भाजपच्या ६ मतदारसंघात उमेदवार जाहीर झाले असून खडसे यांचा पत्ता कापल्याचे स्पष्ट झाले आहे. मुक्ताईनगर हा मतदारसंघ युतीच्या नव्या फॉर्म्युल्यात सेनेला सुटल्याचे संकेत मिळाले आहेत. येथून सेनेकडून चंद्रकांत पाटील उमेदवार असतील.

मुक्ताईनगर मतदारसंघातून 1990 पासून खडसे सलग ६ वेळा निवडून आले. युतीच्या सरकारमध्ये ते मंत्री होते. त्यानंतर विधानसभेतील विरोधी पक्षनेते म्हणून जबाबदारी पार पाडल्यानंतर 2014 च्या निवडणुकीत ते मुख्यमंत्री पदाचे प्रमुख दावेदार होते. मुख्यमंत्री फडणवीस यांच्या मंत्रीमंडळात त्यांच्याकडे महसूलसह अनेक प्रमुख खाती सोपविण्यात आली होती. मात्र, फडणवीस आणि त्यांच्यात वाद वाढत गेला. भोसरी येथील एका जमीन व्यवहाराच्या प्रकरणात त्यांच्यावर आरोप झाल्यानंतर, त्यांनी मंत्रीपदाचा राजीनामा दिला. त्यानंतर त्यांनी पक्षात पुनर्वसनाची मागणी अनेकदा केली. मात्र, पक्षश्रेष्ठींनी त्यांना बाजूलाच ठेवले.

एकनाथ खडसे यांच्या सुनेला लोकसभेची उमेदवारी देण्यात आली. त्या खासदार झाल्या. जळगाव जिल्ह्यासह उत्तर महाराष्ट्रात खडसे यांनी भाजप वाढविण्यासाठी जोरदार प्रयत्न केले होते. मात्र, गेल्या दोन वर्षांत या जिल्ह्यातील मंत्री गिरीश महाजन यांना पक्षाकडून महत्त्व देण्यात आले. आता खडसे यांना उमेदवारीच्या पहिल्या यादीतून डावलल्याने त्यांच्या राजकीय कारकिर्दीला खीळ बसण्याची शक्यता नाकारता येत नाही.

मी पक्षश्रेष्ठींशी बोलणार आहे !

उमेदवारी अर्ज दाखल केल्यानंतर माध्यमांनी एकनाथ खडसेंना पहिल्या यादीत नाव वगळल्याबाबत विचारणा केली असता, खडसे म्हणाले, पहिल्या यादीत माझे नाव आहे किंवा नाही, याबाबत मला माहिती नाही. मात्र, पहिल्या यादीत नाव नसेल तर दुसरी यादी जाहीर होण्याची शक्यता नाकारता येत नाही. पहिल्या यादीत नाव का नाही, याबाबत मी पक्षश्रेष्ठींशी बोलणार आहे. उत्तर महाराष्ट्रात भाजप वाढविण्यासाठी मी प्रामाणिकपणे प्रयत्न केले आहेत. मी आज माझा उमेदवारी अर्ज दाखल केला आहे, एवढे बोलून खडसेंनी काढता पाय घेतला.

Dear Readers,
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.

Related posts

शिवसेना-भाजप युतीचा चर्चा अंतिम, लवकरच होणार घोषणा !

News Desk

“…मिंधे सरकारमध्ये एवढी धमक उरली आहे काय?”, सामनातून हल्लाबोल

Aprna

पंतप्रधान नरेंद्र मोदींविरोधात उभे असलेल्या तेज बहादूर यांची उमेदवारी रद्द

News Desk