HW News Marathi
राजकारण

मतदानाच्या पूर्वसंध्येला जयंत पाटील यांचा नंबर हॅक करून अपप्रचार ! 

सांगली । संगणक प्रणालीचा गैरवापर करून राष्ट्रवादी काँग्रेसचे प्रदेशाध्यक्ष जयंत पाटील यांचा मोबाईल क्रमांक हॅक करून या मोबाईल क्रमांकवरून सांगली लोकसभा मतदार संघात अप प्रचार केल्याचा प्रकार सोमवारी (२२ एप्रिल) उघडकीस आला आहे. जयंत पाटील यांनी सोमवारी रात्री इस्लामपूर पोलीस ठाण्यात तक्रार दिली आहे. कार्यकर्ते व मतदारांनी या अपप्रचाराला बळी पडू नये, असे आवाहन पाटील यांनी केले आहे.

याबाबत पोलिसांकडून मिळालेली माहिती अशी, सांगली लोकसभा मतदारसंघात मंगळवार (२३ एप्रिल) रोजी मतदान होत आहे. या पार्श्वभूमीवर पाटील यांचा मोबाईल क्रमांक हॅक करून ‘आपणास गोपीचंद पडळकर यास मदत करायची आहे,’असा खोटा संदेश दिला आहे. सांगली जिल्हा परिषदेचे माजी अध्यक्ष देवराज जनार्दन पाटील यांच्या सतर्कतेमुळे हा प्रकार उघडकीस आला आहे. पाटील यांनी माजी सभापती दत्ताजी नीलकंठ पाटील रा.आगळगाव यांच्याशी संपर्क केला असता अशा प्रकारचे फोन या मतदारसंघातीलअनेक कार्यकर्त्यांना दिल्याचे निदर्शनास आले आहे.

पाटील यांनी सोमवारी रात्री इस्लामपूर पोलीस ठाण्यात आपली तक्रार नोंदवली असून इस्लामपूर पोलिसांनी अनोळखी व्यक्ती विरोधी गुन्हा दाखल केला आहे. पाटील म्हणाले, फेक कॉलर अपवरून माझा मोबाईल क्रमांक हॅक करून हा खोडसळपणा केला आहे. मी या खोडसाळपणाचा निषेध करतो. कार्यकर्ते व मतदारांनी या खोडसाळपणावर विश्वास ठेवू नये असे आवाहन केले आहे.

Dear Readers,
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.

Related posts

वायएसआर काँग्रेस-टीडीपीच्या कार्यकर्त्यांमध्ये झालेल्या हाणामारीत २ नेत्यांचा मृत्यू

News Desk

अमित शहांनी सहकुटुंब घेतले लालबागच्या राजाचे दर्शन

Aprna

आज संध्याकाळी जाहीर होणार नव्या १३ मंत्र्यांची खाती

News Desk