भोपाळ | मध्य प्रदेश, राजस्थान आणि छत्तीसगड या तीन मोठ्या राज्यांमध्ये जनमताचा कौल हा काँग्रेसच्या बाजूने झुकला. परंतु, आता या तिन्ही राज्यांच्या मुख्यमंत्रीपदाचे नाव निश्चित करताना मात्र काँग्रेसपुढे मोठा पेच निर्माण झाला आहे. दरम्यान, मध्य प्रदेशच्या मुख्यमंत्रीपदी काँग्रेसचे ज्येष्ठ नेते कमलनाथ यांची निवड करण्यात येऊ शकते अशी चर्चा आहे. परंतु, याबाबतची अधिकृत घोषणा ही आज (१३ डिसेंबर) संध्याकाळी होणार असल्याचे सांगण्यात आले आहे. मात्र, कोणत्याही अधिकृत घोषणेच्या आधीच कमलनाथ यांच्या समर्थकांकडून चक्क मध्य प्रदेशचे मुख्यमंत्री झाल्याबद्दल कमलनाथ यांचे अभिनंद करणारे पोस्टर्स मध्य प्रदेशात लावण्यात आले आहेत.
A poster congratulating Kamal Nath for being named CM is seen outside Congress office in Bhopal #MadhyaPradeshElections2018 pic.twitter.com/rsSketjeFp
— ANI (@ANI) December 13, 2018
काँग्रेसचे ज्येष्ठ नेते कमलनाथ, ज्योतिरादित्य सिंधिया, दिग्विजय सिंह, विवेक तन्खा यांनी बुधवारी (१२ डिसेंबर) राज्यपाल आनंदीबेन यांची भेट घेऊन सत्ता स्थापनेचा दावा केला होता. काँग्रेसच्या शिष्टमंडळाने आज राज्यपाल आनंदीबेन पटेल यांची भेट घेऊन त्यांच्याकडे १२१ आमदारांच्या पाठिंब्याचे पत्र दिले होते.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
