HW News Marathi
राजकारण

निवडणुकांसाठी पुणे पोलीस भाजपला मदत करत आहेत !

मुंबई | ‘पुणे पोलीस सरकारच्या इशाऱ्यावर चालणारे प्यादे बनले आहे’, अशी टीका महाराष्ट्र प्रदेश काँग्रेस कमिटीचे सरचिटणीस व प्रवक्ते सचिन सावंत यांनी केली आहे. पुणे पोलिसांकडून मध्यप्रदेशचे माजी मुख्यमंत्री दिग्विजय सिंग यांचा भीमा-कोरेगाव दंगलीशी संबंध जोडून काँग्रेसला बदनाम करण्याचा प्रयत्न सुरु आहे. मध्यप्रदेश विधानसभा निवडणुकीत भाजपला मदत करण्यासाठी पुणे पोलीस प्रयत्नशील असल्याचा धक्कादायक आरोप सचिन सावंत यांनी केला आहे.

सर्वोच्च न्यायालयाने भीमा कोरेगाव दंगली संदर्भात न्यायालयात सुनावणी असताना देखील पुणे पोलीस सातत्याने माध्यमांसमोर का जात आहेत ? असा प्रश्न उपस्थित करत पुणे पोलिसांना खडे बोल सुनावले होते. परंतु त्यानंतरही पुणे पोलिसांनी प्रसारमाध्यमांशी संवाद साधणे थांबविले नाही. त्यामुळे पुणे पोलिसांबद्दलची विश्वासार्हता संपूर्णपणे नाहीशी झाली आहे, असे सचिन सावंत म्हणाले आहेत.

सरकार महाराष्ट्र पोलीस यंत्रणा गुजरात मॉडेलनुसार चालवण्याचा प्रयत्न करत आहे. परंतु गुजरात मॉडेलची कशी वाताहत झाली तशी महाराष्ट्र पोलिसांची अवस्था होऊ नये अशी चिंता सावंत यांनी व्यक्त केली. शहरी नक्षलवाद हा शब्द केवळ राजकीय फायद्यासाठी वापरून कट्टरतावाद्यांपासून लोकांचे लक्ष भरकटविण्याचा भाजपचा प्रयत्न असल्याचा आरोप सचिन सावंत यांनी केला आहे.

Dear Readers,
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.

Related posts

मराठा आरक्षणाबाबत सरकारचं धोरण अस्पष्ट । धनंजय मुंडे

News Desk

मराठा समाजाचे आजपासून आझाद मैदानात बेमुदत उपोषण

Gauri Tilekar

“सत्ताधारी आमदारांना सत्तेची मस्ती आली का?”, अजित पवारांचा सवाल

Aprna