मुंबई | ज्येष्ठ नेते एकनाथ खडसे (Eknath Khadse) यांना राष्ट्रवादी काँग्रेसच्या विधान परिषदेतील गटनेते पदी निवड करण्यात आली आहे. तर राष्ट्रवादी काँग्रेसच्या (NCP) प्रतोतपदी अनिकेत तटकरे यांची नियुक्ती करण्यात आली आहे. राष्ट्रवादी काँग्रेसने नवीन नियुक्ती केल्याचे पत्र विधान परिषदेच्या उपसभापती निलम गोऱ्हे यांना देण्यात आले होते.
दरम्यान, गेल्या अनेक वर्षापासून एकनाथ खडसेंना सभागृहातील कामकाजाचा अनुभव असल्याने राष्ट्रवादी काँग्रेस गटनेते पदाची जबाबदारी सोपविण्यात आली आहे. एकनाथ खडसेंच्या अनुभवाचा राष्ट्रवादी काँग्रेसला अधिक बळकटी येईल. आणि आगामी निवडणुकीत एकनाथ खडसेंच्या राजकीय रणनितीसाठी मोठा फायदा होण्याची शक्यता वर्तवली जात आहे.