HW News Marathi
राजकारण

शिवसेनेचे विचार प्रतिगामी, नवाब मलिकांची शिवसेनेवर टिका

मुंबई | शिवसेनेच्या सामना या मुखपत्राच्या आग्रलेखातून बुधवारी राष्ट्रवादी कॉंग्रेसचे अध्यक्ष शरद पवार यांच्यावर चांगलेच तोंडसुख घेतल्याचे दिसून आले. या आग्रलेखात पुण्यातल्या हल्लाबोल आंदोलनाच्या सांगता समारंभात पवारांनी घेतलेल्या फुले पगडीच्या निर्णयावरुन सडकून टिका करण्यात आली आहे. त्यामुळे महाराष्ट्रात सध्या पगडीचे राजकारण गाजताना पहायला मिळत आहे. मात्र सामनाच्या या आग्रलेखाला उत्तर देताना राष्ट्रवादी कॉंग्रेसचे प्रवक्ते नवाब मलिक यांनी शिवसेना, सामना आणि ठाकरे यांचा चांगलाचा समाचार घेतल्याचे पहायला मिळत आहे.

नवाब मलिक यांनी आपल्या अधिकृत ट्विटर हॅंडलवरुन ट्विट करत राष्ट्रवादी काँग्रेस हा पक्ष फुले, शाहु आंबेडकर यांच्या विचारांवर चालणारा पक्ष आहे. महात्मा फुले यांची पगडी ही वैचारिक पगडी आहे. पुरोगामी विचार पुढे घेऊन जाण्यासाठी आम्ही पक्षाच्या स्थापनेपासून प्रयत्न करत आहोत. शिवसेनेला समतावादी विचार पटत नाही. त्यांनी मंडल आयोगाला विरोध केला होता. दलित,ओबीसी,आदिवासी समाजाला आरक्षण देण्याच्या वेळीही शिवसेनेने वाद निर्माण केला. महिला आरक्षण देण्याच्या वेळी शिवसेनाप्रमुख बाळासाहेब ठाकरे म्हणाले होते की महिलांनी फक्त चूल आणि मूल इथपर्यंतच मर्यादित रहावे याची आठवणही या ट्विटच्या माध्यमातून नवाब मलिक यांनी करुन दिली आहे.

शिवसेनेचे विचार प्रतिगामी आहेत. महात्मा फुले यांचे समतावादी विचार शिवसेनेला पटत नाहीत म्हणून ते टीका करत आहेत. शिवसेना केवळ एका पगडीला का घाबरत आहे? फुले यांच्या पगडीत मोठी ताकद आहे हे यातून स्पष्ट होते.असे म्हणत बाळासाहेब ठाकरेंपासून शिवसेनेची काय भूमिका होती आणि आजही शिवसेनेची काय भूमिका आहे यावर टिका करत मलिक यांनी ट्विटरच्या माध्यमातून सेनेचा खरपूस समाचार घेतल्याचे पहायला मिळत आहे. नवाब मलिकांनी बाळासाहेब ठाकरेंच्या नावाचा उल्लेख केल्यामुळे शिवसेनेकडून या ट्विट ला काय प्रतिसाद मिळणार हे पहाण येत्या काळात औत्सुक्याच ठरणार आहे.

Dear Readers,
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.

Related posts

ठाकरे-पवारांच्या विमान प्रवासाची चर्चा

News Desk

महाराष्ट्र आरोग्य विज्ञान विद्यापीठाच्या सर्व जागांवर अभाविपचा विजय

News Desk

दाभोलकर-पानसरे हत्येप्रकरणी फटके मुख्यमंत्र्यांनाच का ?

News Desk