मुंबई | महाराष्ट्र राज्याचे शिक्षणमंत्री विनोद तावडे यांनी महाराष्ट्र नवनिर्माण सेनेचे अध्यक्ष राज ठाकरे यांची त्यांच्या दादर स्थित कृष्णकुंज या निवासस्थानी जाऊन भेट घेतली आहे. या भेटीमुळे राजकीय वर्तुळात चर्चेला उधान आले आहे. या भेटीत दोन नेत्यांमध्ये जवळपास तासभर चर्चा झाल्याचे वृत्त आहे. चर्चा नक्की कशासाठी झाली याचे कारण अद्याप समजू शकलेले नाही. परंतु ठाण्यामध्ये होणा-या नाट्यसंमेलनाचे आमंत्रण तसेच इतर राजकीय चर्चा झाल्याची माहिती खात्रीलायक सुत्रांकडून प्राप्त झाली आहे.
या भेटीमागे ठाणे शहरात भरणा-या नाट्यसंमेलनाचे निमित्त असल्याचे बोलले जात आहे. तावडे त्या नाट्यसंमेलनाचे आमंत्रण देण्यासाठी राज ठाकरे यांना भेटले हे प्रमुख कारण असले तरी इतर राजकीय चर्चा सुद्धा झाली असावी असा तर्क जोडला जात आहेत. कोकणातील शिक्षक पदवीधर मतदारसंघाच्या निवडणुकीसाठी सध्या भाजप आणि शिवसेनेतच एकमेकांवर कुरघोडीचे राजकारण सुरु असल्याने ठाकरे तावडे भेट महत्वपूर्ण समजली जात आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
