नवी दिल्ली | ज्येष्ठ समाजसेवक अण्णा हजारे यांना आता चक्क भाजपने एक ऑफर दिलीये. भाजप दिल्लीचे अध्यक्ष आदर्श गुप्ता यांनी सोमवारी (२४ ऑगस्ट) अण्णा हजारेंना एक पत्र लिहिले. या पत्रात आदर्श गुप्ता यांनी एक महत्त्वपूर्ण मागणी केली होती. “आम आदमी पक्ष भ्रष्टाचार करत असून तुम्ही दिल्लीत येऊन हे लोकांना सांगा”, अशी मागणी भाजपकडून अण्णा हजारांना करण्यात आली आहे. दरम्यान, आता अण्णा हजारेंकडून यावर काही प्रतिक्रिया येणार का ? हे पाहणे महत्त्वाचे आहे.
आदर्श गुप्ता अण्णा हजारेंना लिहिलेल्या आपल्या पत्रात म्हणतात की, “तुमच्या नेतृत्वात आपने भ्रष्टाचाराविरोधात आवाज उठवला होता. आम्हाला आठवते की २०११ साली तुम्ही दिल्लीच्या रामलीला मैदानावर भ्रष्टाचार निर्मूलनासाठी आणि जनलोकपाल विधेयकाची मागणी करुन तत्कालीन सरकारविरूद्ध आमरण उपोषण केले होते. मात्र, आज तोच आप पक्ष स्वतः च भ्रष्ट्राचारात सामील आहे. तुम्हीच आता दिल्लीत येऊन हे लोकांना सांगा. ‘आप’च्या भ्रष्टाचाराविरोधात आवाज उठवावा.”
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
