मुंबई | देवेंद्र फडणवीस यांनी पुन्हा मुख्यमंत्रिपदी विराजमान होऊन त्यांनी आज मुख्यमंत्रिपदाचा कार्यभार स्वीकारला आहे. यावेळी मुख्यमंत्री देवेंद्र फडणवीस यांनी पहिली स्वाक्षरी वैद्यकीय सहाय्यता निधीच्या धनादेशावर केली आहे. दादरच्या श्रीमती कुसुम किरण वेंगुर्लेकर यांना एक लाख वीस हजार रुपयांचा धनादेश मुख्यमंत्र्यांच्या हस्ते सुपूर्द करण्यात आला. यावेळी मुख्य सचिव अजॉय मेहता, अर्थ विभागाचे अप्पर मुख्य सचिव मनोज सौनिक, प्रधान सचिव भूषण गगराणी उपस्थित होते.
मुख्यमंत्री @Dev_Fadnavis यांनी मंत्रालयातील कार्यालयात प्रवेश केल्यानंतर पहिली स्वाक्षरी मुख्यमंत्री वैद्यकीय सहायता निधीच्या धनादेशावर केली. दादर येथील श्रीमती कुसुम किरण वेंगुर्लेकर यांना एक लाख वीस हजार रुपयांचा धनादेश मुख्यमंत्र्यांच्या हस्ते सुपुर्द. pic.twitter.com/QgenSkP06a
— MAHARASHTRA DGIPR (@MahaDGIPR) November 25, 2019
राज्यभरातून आलेल्या गरजूंना मुख्यमंत्री सहाय्यता निधीतून मदत केली जाते. मात्र राष्ट्रपती राजवट लागू झाल्यानंतर मुख्यमंत्री सहाय्यता निधी कक्ष बंद करण्यात आला. ‘कार्यालय बंद. चौकशी करू नये’, असा मजकूर असलेला कागद कक्षाच्या दारावर चिटकवण्यात आला होता. त्यामुळे राज्याच्या विविध भागांमधून मदतीच्या आशेने आलेल्या अनेकांचा गरजूंना निराश होऊन परत जावे लागत होते.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
