मुंबई | रिपब्लिक टीव्हीचे संपादक आणि पत्रकार अर्णब गोस्वामी यांना अन्वय नाईक यांच्या आत्महत्या प्रकरणात अटक करण्यात आली होती. मात्र, आता सर्वोच्च न्यायालयाने तयांना अंतरिम जामीन मंजूर केला आहे. सुरुवातीपासून भाजप अर्णब गोस्वामी यांच्या पाठीशी उभा होताच आता भाजपकडून प्रतिक्रिया येण्यास सुरुवात झाली आहे. भाजप आमदार अतुल भातखळकर यांनी अर्णब गोस्वामी यांना जामीन मिळाल्यानंतर आनंद व्यक्त करत व्हिडिओ ट्विट केला आहे.
फटाके फोडा रे…
महाराष्ट्र सरकारची चांगलीच 'हजामत' करून, कोर्टाने अर्णब गोस्वामी यांना जामीन मंजूर केला…
अखेर लोकशाहीचा विजय, ठोकशाहीचे थोबाड फुटले. @republic pic.twitter.com/Zv6gBYdnE7— Atul Bhatkhalkar (@BhatkhalkarA) November 11, 2020
भातखळकर असे म्हणाले आहेत की, “अर्णब गोस्वामी यांना सर्वोच्च न्यायावयाने दिलेला जामीन हा लोकशाहीचा आणि वृत्तपत्र स्वातंत्र्यचा विजय आहे. द्वेष बुद्धीने आणि अहंकाराने वागणारऱ्या या महाभकास आघाडी सरकारला ही सर्वात मोठी चपराक आहे. अर्णब गोस्वामी यांना जामीन मिळू नये आणि त्यांच्या विरोधात खोट्या केसेस टाकून रिपब्लिक मीडिया बंद करण्याचा अघोरी आणि हिटलर शाहीचा प्रयत्न होता. सर्वोच्च न्यायालयाने तो उधळून लावला, ही आनंदाची बाब आहे. या सरकारच्या गळचेपीच्या आणि जनहिताच्या धोरणा विरोधातील भाजपचा लढा यापुढेही चालू राहील”, असे अतुल भातखळकर यांनी म्हटले आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
