मुंबई | अंधेरी पूर्व मरोळ येथील चर्च रोडवर असलेल्या ईको एलिगन्स सोसायटीतील राहिवाशी सध्या माकडाच्या उच्छादामुळे प्रचंड त्रस्त आहेत. गेल्या दहा पंधरा दिवसात या सोसायटीमध्ये दोन- तीन माकडांचे वास्तव्य आहे. भूक लागल्यानंतर हि माकडे कोणत्याही घराच्या खिडकीतून आत प्रवेश करण्याचा प्रयत्न करतात.
गेल्या काही दिवसांपासून या ईमारतीत वास्तव्याला असलेली ही दोन ते तीन माकडे दिवसाच नाही तर रात्री देखील सोसायटी सोडायला मागत नाही. भूक लागली की कुणाच्याही घरी घुसून खायचे आणि खाऊन झाले की सोसायटीत मीळेल त्याच्या घरी, कोणाच्या बालकनीत आराम करायचा असा यांचा दिनक्रम ठरलेला आहे. माकड घरात कोणी आहे नाही याची कसलीही तसदी घेत नाहीत, घराची खीडकी उघडी मिळाली की घरात घुसून सर्व सामान अत्यव्यस्त करतात.
मागील कित्येक दिवसांपासून हा त्रास सहन करणाऱ्या रहिवाशानी अग्निशमन दलाला याची तक्रार देखील केली असता, माकडांना आम्ही पकडू शकत नाही, असे उत्तर राहिवाशांना मिळाले. अखेर याची तक्रार वन विभागात केली असता आमच्याकडे दोनच पिंजरे असून स्टाफ नसल्याचे त्यांचे म्हणणे आहे. मागील कित्येक वर्षांपासून राहिवाशी या ईमारतीत राहतात मात्र अशी माकडे येऊन रहाणे सगळ्यांसाठीच नवीन आहे.
राहिवाशांनी या माकडांचा एवढा धसका घेतलाय की लहान मुलांनी खाली खेळणे बंद केले आहे. तर घराच्या खिडक्या उघडताना देखील रहीवाशांना भीती वाटते. अग्निशमन विभाग आणि वन खात्याने लवकरात यात लक्ष घालण्याची मागणी राहिवाशांनी केली आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
