मुंबई : राज्य सरकारने मोठ्या प्रमाणावर नोकरी भरतीची घोषणा केली पण ती घोषणा निव्वळ फसवणूक असल्याचा आरोप करत आज राष्ट्रवादी काँग्रेसने मंत्रालयाच्या दारात भोपळा फोडो आंदोलन केले. राष्ट्रवादीच्या युवा कार्यकर्त्यांनी भोपळे फोडले असून पोलिसांनी आंदोलनकर्त्यांना तात्काळ ताब्यात घेतले. राज्‍यात फडणवीस सरकार नाही तर, फसवणीस सरकार आहे, अशा घोषणा देत कार्यकर्त्यांनी सरकारचा निषेध केला.
राज्य सरकारने ३० टक्के नोकरकपातीचे धोरण कायम ठेवत असून दुसरीकडे ३६ हजार पदे भरण्याची घोषणा केली आहे. सरकारच्या या परस्परविरोधी धोरणांमुळे एकीकडे सरकारी कर्मचाऱ्यांमध्ये संभ्रम निर्माण झाला आहे. तर दुसरीकडे या कर्मचाऱ्यांची फक्त पाच वर्षांसाठीच तात्पुरती नियुक्ती करण्यात येणार असल्याचा आरोप बृहन्मुंबई राज्य सरकारी कर्मचारी संघटनेने केला आहे. त्यामुळे मेगा नोकरभरतीची सरकारची घोषणा अतिशय फसवी असल्याचे स्पष्ट झाले आहे. आगामी निवडणुकांच्या पार्श्वभूमीवर बेरोजगार युवकांना आकर्षित करण्यासाठी नोकरभरतीचे गाजर दाखवल्याचे बोलले जात आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
