लंडन | हॉलिवूड अभिनेत्री मेगन मार्केल व ब्रिटनचे राजपुत्र प्रिन्स हॅरी आज विवाहबंधनात अडकणार आहेत. ब्रिटन मधील विंडसर कॅसलमधील सेंट चार्ज चॅपल चर्चमध्ये मेगन व प्रिन्स हॅरी यांचा विवाहसोहळा पार पडणार आहे. मेगन मार्कलचे वडील थॉमल मार्केल आजारी असल्याने लग्नाला हजर राहणार नाहीत. म्हणून प्रिन्स चार्ल्स मेगनला चर्चपर्यंत घेऊन जाणार आहेत.
मेगन व प्रिन्स हॅरी यांच्या शाही विवाहामुळे संपूर्ण ब्रिटनमध्ये उत्साहाचे वातावरण पाहायला मिळते आहे. लग्नासाठी एक लाखांहून जास्त लोक विंडसर कॅसलमध्ये पोहोचले आहेत. या ठिकाणी सुरक्षेसाठी कडक बंदोबस्तही ठेवण्यात आला आहे. पोलीस, गुप्तचर अधिकारी आणि लष्करी अधिकाऱ्यांवर शाही जोडीला संरक्षण पुरवण्याची जबाबदारी देण्यात आली आहे.
३३ वर्षीय प्रिन्स हॅरी आणि मेगनची भेट जुलै २०१६ मध्ये एका मित्राच्या घरी झाली होती. काही महिन्यांपूर्वीच हॅरीने तिच्यासमोर लग्नाचा प्रस्ताव ठेवला होता, तो मेगनने मान्य केला. गेल्या वर्षी नोव्हेंबर महिन्यात मेगन व प्रिन्स हॅरी यांनी साखरपुडा केला.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
