करमाळा | करमाळा तालुक्यातल्या घोटीमध्ये रहाणा-या नागनाथ सदाशिव दुधे या शेतकऱ्याचा गोठ्यासह घरातील वस्तू जळून खाक झाल्याची घटना शुक्रवारी घडली. दुधे यांच्या घरातून जळत असलेली दिव्याची वात उंदीर गोठ्यात घेऊन गेला. घराच्या लगत गोठा असल्यामुळे पहाटे ५ च्या दरम्यान गोठ्याला भीषण आग लागली काही क्षणातचं अगीने पेट घेतल्यामुळे बघता-बघता सर्व जळून खाक झाले.
अचानक आग लागल्याने गोठ्यात असलेल्या शेळ्या, कोंबड्या बंदिस्त असल्यामुळे त्यांना आपली सुटका करून घेता आली नाही. यामध्ये 11 शेळ्या, वासरू व 30 कोंबड्यांचा आगीत मृत्यू झाला. नंतर ही आग जवळ असलेल्या घराला लागल्यामुळे घरातील सर्व जीवनावश्यक वस्तू जळून आगीमध्ये जळून खाक झाल्या. दिघेंचा संसार या घटनेनंतर उघड्यावर आला असून यामध्ये महत्वाची कादगदपत्रे आधार कार्ड,मतदान कार्ड, रेशनकार्ड अशी महत्वाची कागदपत्रे देखील जळून गेली आहेत. ही घटना समजताच शुभम थोरात व अतुल खूपसे यांनी स्वता बाहेर असल्यामुळे आईला हा सर्व प्रकार सांगून मदत करण्यास सांगितले. त्यानंतर त्यांच्या आईने जीवनआवश्यक रोजच्या वापरातल्या वस्तू या कुटुंबाला दिल्या आहेत. त्यामध्ये 20,000 रुपयांची भांडी , कपडे, 2 पोती धान्य इतर आवश्यक गोष्टींची मदत त्या शेतक-याच्या कुटुंबाला केली आहे.
करमाळ्याचे तहसीलदार अतुल खूपसे यांच्या आईने केलेली मदत पाहूण सध्या सर्वचजण त्यांचे कौतुक करत आहेत. पिडीत शेतकऱ्याने अतुल खूपसे यांना संबंधित प्रकार सांगितला आणि सरकारकडून मदत होण्यसाठी मागणी केली आहे. परंतु सरकार कडून मदत होई पर्यंत शेतकऱ्याला आपला संसार उघड्यावर मांडवा लागणार ह्याची खंत मनात ठेवून सरकारच्या आधी अतुल यांच्या आई यांनी मदत करत माणुसकी काय असते याचे जिवंत उदाहरण सर्वांसमोर ठेवले आहे. एकीकडे 350000 लाख शेतकऱ्यांच्या आत्महत्या होत आहेत.अशा शेतकऱ्यांसाठी आपण समाजाचे एक घटक आहोत याची जाणीव ठेवून यांच्या मदतीस हातभार लावून दिलासा देण्याचे काम करावे असे अतुल खूपसे यांच्या आईनी यावेळी सांगितले.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
