सांगली | सांगलीच्या ब्रम्हणाळमध्ये शुक्रवारी कृष्णा नदीच्या पात्रात एका मगरीने १४ वर्षाच्या मुलाला पाण्यात ओढल्याची धक्कादायक घटना घडली. अचानक मगरीने हल्ला करत मुलाला पाण्यात ओढल्यामुळे परिसरात मगरीची दहशत निर्माण झाली आहे. गरमीचे प्रमाण वाढल्यामुळे कृष्णा नदीच्या पात्रात काही मुले पोहत असताना ही घटना घडली आहे. मगरीने ज्या मुलाला पाण्यात ओढले तो मुलगा बेळगावरुन आपल्या मामाच्या गावी आला होता. अशी प्राथमिक माहिती मिळाली आहे.
अपघाताची माहिती मिळताच वनविभागाचे एक पथक तात्काळ घटनास्थळी दाखल झाले. या पथकाने रात्री उशिरापर्यंत मुलाचा शोध घेतला परंतु अद्याप या मुलाचा शोध लागलेला नाही. रात्री साडेआठपर्यंत वनविभागच्या पथकाकडून मुलाचा शोध सुरु ठेवण्यात आला होता. रात्री उशीरा ही शोधमोहीम वनविभाकडून थांबविण्यात आली होती परंतु स्थानिकांनी मात्र अजूनही मुलाचा शोध सुरु ठेवला आहे. स्थानिकांनी या मुलाला मगरीने पाण्यात ओढताना पाहीले असल्यामुळे त्याचा शोध घेणे प्रशासनासाठी अधिकच आव्हानात्मक झाले आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
