नवीदिल्ली |सुप्रिम कोर्टाने दाऊद इब्राहिमच्या संपत्ती संदर्भात शुक्रवारी निकाल देत सरकारला दाऊदची मुंबईतील संपत्ती जप्त करण्याची परवानगी दिली आहे. दाऊदची बहीण हसीना पारकर आणि आई अमीना बी यांच्या याचिकेवर निकाल देताना कोर्टाने मुंबईतील दाऊदची करोडो रुपयांची संपत्ती जप्त होणार असल्याचे म्हटले आहे.
अंडर वर्ल्ड डॉन दाऊद इब्राहिमची मुंबईच्या नागपाडा येथे करोडो रुपये किंमतीची संपत्ती आहे. एवढेच नाही तर त्यापैकी दोन संपत्ती अमीना व पाच संपत्ती हसीना यांच्या नावावर आहेत.
दाऊदची ही संपत्ती बोकायदेशीर असल्याचे तपास यंत्रनेला आढळून आले आहे त्यामुळे ही याचिका फेटाळण्यात आली आहे. दाऊदची बहीण हसीना आणि आई अमीना यांची याचिका दिल्ली उच्च न्यायालयाने फेटाळल्यानंतर त्यांनी सर्वोच्च न्यायालयात धाव घेतली होती. संपत्ती जप्त करण्याच्या नोटीसला आव्हान देण्यासाठी आपल्याला वेळ देण्यात यावा अशी मागणी करत आपल्याला योग्यरित्या नोटीस देण्यात आली नसल्याचा दावा त्यांनी केला होता. त्यानंतर संबंधित विभांगाने त्याची संपत्ती जप्त करण्याच्या कारवाईला सुरुवात केली. त्यामध्ये केंद्र सरकारने गतवर्षी दाऊदच्या दक्षिण मुंबईतील हॉटेल आणि गेस्ट हाऊसचा लिलाव केला.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
