पुणे | संसदेच्या अर्थसंकल्पीय अधिवेशनात विरोधकांनी घातलेल्या गोंधळाच्या निषेधार्थ महाराष्ट्रासह भारतभरात भाजपनेत्यांसह मोदी समर्थकांनी गुरुवारी उपोषण ठेवले होते. परंतु भाजपच्या आमदारांमुळे हे उपोषण पुण्यात फ्लॉप ठरले आहे. कॉंग्रेस प्रमाणे भाजपच्या उपोषणाचा फज्जा उडाल्यामुळे स्वाभिमानी शेतकरी संघटनेचे अध्यक्ष राजू शेट्टी यांनी भाजपच्या उपोषणावर चांगलेच तोंडसुख घेतले आहे.
भाजपचे उपोषण म्हणजे ‘सौ चुहे खाके बिल्ली चली हज’ अशा शब्दात शेट्टी यांनी भाजपवर टिका केली आहे. देहू येथे पार पडलेल्या स्वाभिमानी शेतकरी संघटनेच्या राज्य कार्यकारणी नंतर पुण्यात घेण्यात आलेल्या पत्रकार परिषदेत ते बोलत होते.
यावेळी बोलताना शेट्टी म्हणाले, शेतकरी आत्महत्या रोखण्यासाठी आपण लोकसभेत प्रायव्हेट बिल मांडणार असून देशातील सर्व विरोधी पक्षांना पाठिंबा देण्याचं आवाहन राजू शेट्टी यांनी यावेळी बोलताना केले. सध्याच्या सरकारने निर्लज्जपणाचा कळस गाठला असून लोकसभेच्या सभापतींनी सांगावे आतापर्यंत गटनेत्यांची कीती वेळा बैठक बोलावली किंवा हा तिढा सुटावा म्हणून सर्वांची बैठक घेतली. उलट सरकार काही लोकांना हाताशी धरून सभागृहाचे कामकाज चालू देत नसल्याचा आरोप खासदार शेट्टी यांनी यावेळी बोलताना केला.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
