अखिल भारतीय काँग्रेस कमेटीची बैठक आज राजधानी दिल्लीत झाली. यावेळी पक्षाचा नवीन अध्यक्ष निवडण्याची कोंडी फोडण्यासाठी पक्षाचे वरिष्ठ नेते उपस्थित होते.ही बैठक संध्याकाळपर्यंत पुढे ढकलण्यात आली आहे. चार वाजता सुरू होणारी बैठक रात्री नऊपर्यंत चालणार आहे. या बैठकीत काँग्रेसच्या नव्या अध्यक्षाच्या नावाची घोषणा होईल, अशी शक्यता व्यक्त केली जात आहे.
काँग्रेस पक्षाचा नवीन अध्यक्ष निवडीच्या चर्चेत माजी काँग्रेस अध्यक्ष राहुल गांधी आणि सोनिया गांधी हे सहभागी झाले नाहीत. पक्षाच्या सर्वोच्च अशा या कार्यकारी समितीच्या आज झालेल्या बैठकीत ते उपस्थित होते. मात्र जेव्हा पक्षाचा नवा अध्यक्ष निवडण्यावर चर्चा सुरु झाती तेव्हा ते निघून गेले
काँग्रेसमधील सूत्रांच्या माहितीनुसार, मुकुल वासनिक, मल्लिकार्जुन खरगे, अशोक गेहलोत, सुशीलकुमार शिंदेंसह अनेक ज्येष्ठ नेत्यांची नावे अध्यक्षपदासाठी चर्चेत आहेत.
The Congress Working Committee meeting is underway at AICC HQ. pic.twitter.com/PPREhodcCA
— Congress (@INCIndia) August 10, 2019
2019 साली लोकसभा निवडणुकीतील पराभवानंतर पराभवाची जबाबदारी स्विकारत राहुल गांधी यांनी अध्यक्षपदाचा राजीनामा दिला होता. त्यांना पक्षाच्या अनेक नेत्यांनी समजविण्याचा वारंवार प्रयत्न केला. मात्र राहुल गांधी आपल्या निर्णयापासून तसूभरही ढळले नाही आणि काँग्रेस अध्यक्ष न होण्याच्या आपल्या भूमिकेवर ठाम होते.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
