मुंबई | अंतराळात चीनचं भरकटलेलं स्पेस स्टेशन सोमवारी मुंबईवर कोसळण्याची शक्यता आहे. या स्टेशनच्या मार्गात महाराष्ट्रासह मुंबईचा बराचसा भाग येणार आहे. या चिनी स्पेस स्टेशनचं नाव टीयाँगाँग आहे. स्कूल बसच्या आकाराचं हे स्पेस स्टेशन असल्याची माहिती समोर आली आहे.
अंतराळातून पृथ्वीवर येताना त्याचे तुकडे होण्याचा अंदाज वर्तवला जात आहे. तुकड्यांमध्ये विषारी वायू असल्यानं पृथ्वीवर कोसळल्यानंतर त्याला हात न लावण्याचं आवाहन करण्यात आलं आहे.
या स्पेस स्टेशनच्या मार्गात महाराष्ट्रासह मुंबई, आंध्र प्रदेश, बंगालचा उपसागर आहे. परंतु स्पेस स्टेशन अतितीव्र वेगानं येत असल्यानं कुठे पडेल, याचा अंदाज बांधणं कठीण आहे. सोमवारी पहाटे चार वाजून 55 मिनिटांनी या स्पेस स्टेशननं पृथ्वीच्या कक्षेत प्रवेश केल्यानंतर कुठे कोसळेल, याबाबत अंदाज व्यक्त करता येईल.
त्या प्रमाणे या स्पेस स्टेशनचे तुकडे 200 ते 300 किलोमीटर परिसरात पसरण्याची शक्यताही वर्तवली जातेय.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
