मुंबई | ७० वर्षीय वृद्ध शेतकरी धर्मा पाटील यांनी सोमवारी मंत्रालयात आत्महत्येचा प्रयत्न केला. पाटील यांना सेंट जॉर्ज रुग्णालयात त्यांच्यावर उपचार सुरू असून त्यांची प्रकृती गंभीर आहे. धुळे जिल्ह्यातील होणाऱ्या औष्णिक वीज प्रकल्पात धर्मा पाटील यांची शेत जमीन गेली असून त्याच्या जमीनीला योग्य भाव न मिळाल्याने त्यांनी हे पाऊन उचल्याची माहिती मिळाली आहे.
या प्रकल्पात शेतकरी धर्मा पाटील यांची पाच एकर जमीन गेली असून सरकारने पाच एकरच्या बदल्यात त्यांना चार लाख रुपये भरपाई देण्यात आली आहे. गेल्या तीन महिन्यापासून पाटील यांनी पाठपुरावा सुरू केला होता. पण, या प्रकल्पा संबंधित अधिकारी आणि मंत्रालयाकडून योग्य ते उत्तर मिळत नसल्यामुळे विष प्राशन करण्याचा निर्णय त्यांनी घेतला आहे. या घटनेनंतर धुळ्याचे पालकमंत्री आणि पर्यटन मंत्री जयकुमार रावल यांच्या व्यतिरिक्त कोणत्याही मंत्र्यांनी धर्मा पाटील यांची भेट घेतली नाही.
तसेच धर्मा पाटील यांच्या चार एकर जमिनीत ६०० आंब्याची झाडे आणि विहीर अशी बागायती जमीन प्रकल्पात गेली आहे. दुसऱ्या शेतकऱ्यांना योग्य मोबदला देण्यात आला असून इतर शेतकऱ्यांच्या तुलनेत पाटील यांना कमी मोबदला मिळाला असल्याचा दावा पाटील यांनी केला आहे. तीन महिन्यापासून पाटील याचा पाठपुरावा करत असून मंत्र्यांनी यावर कोणताच प्रतिसाद न दिल्यामुळे हताश होऊन धर्मा पाटील यांनी विष पिण्याचा निर्णय घेतला.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
